Menu principal

Menu principal

Taɣwalt : Asersi n yizaduren n yiwet n tɣamsa tamsadurt, d tuzwirt n ugzum

Yeffeɣ-d ass n : Akwas, 20 Yennayer 2022 16:14   Ɣran-t : 19 n tikkal
Taɣwalt : Asersi n yizaduren n yiwet n tɣamsa tamsadurt, d tuzwirt n ugzum

LEZZAYER  TAMANEƔT – Yenna-d uneɣlaf n Teɣwalt, Mohamed Bouslimani, ass n ukwas (lexmis), dakken tuzwirt n yimir-a n ugzum-is d asersi n yizaduren i wakken ad naweḍ ɣer yiwet n tɣamsa tamsadurt, yules-d i « umirew imezgi » n uɣlif akken ad yeḍmen akkemmel n urkad n wakk imidyaten.

Yemmeslay-d deg yiwet n temlilit n tuqqna i d-yeḍran deg tesɣimt n uɣlif akked yimasayen akked yigensasen n tregwa akked tliẓriyin tusligin yettmahalen deg tmurt n Lezzayer, yesseddi-d Mass Bouslimani dakken timlilit-a « ters deg ukatar n yiwen n umazrar n temliliyin n tuqqna akked yimidyaten yemgarden akken ad nsel i yicɣaben yemgarden akked yisumren n yigensasen n tregwa-a », ɣef wakken i d-yenna yiwen n ulɣu n uɣlif.

Yules-d uneɣlaf, i lmend n waya, i « umirew imezgi n uɣlif akken ad yemmahel akked wakk imidyaten, ama d usligen neɣ d inagduden, akken ad nekkes uguren i la ttqabalen akked uḍman n userked-nsen, deg ukatar n umidya aɣelnaw ilan iswi n uḍman n telɣut n tidet i uɣerman akked uḥuddu n tanfatin tunnigin n tmurt », isers-d ɣer tdat dakken « tuzwirt n yimir-a n ugzum d asersi n yizaduren i wakken ad naweḍ ɣer yiwet n tɣamsa tamsadurt », i yerna yenna-d uɣbalu-nni.

Igensasen n tregwa n tliẓriwin, seg yidis-nsen, sbegnen-d « beqqu-nsen akken ad bedden, s lebɣi-nsen, ɣer yidis n yifranen iɣelnawen akked tniliwin tisertanin timeqqranin tizzayriyin, acku Lezzayer d izirig azeggaɣ anda i ttemlilit akk tmuɣliwin yerna mmidgen yimidyaten inagduden akked wusligen ».

Last modified on Asamas, 23 Yennayer 2022 23:17
Taɣwalt : Asersi n yizaduren n yiwet n tɣamsa tamsadurt, d tuzwirt n ugzum
  Yeffeɣ-d ass n : Akwas, 20 Yennayer 2022 16:14     Taggayt : LEZZAYER     Ɣran-t : 19 n tikkal   Bḍu