Menu principal

Menu principal

Yessawel Mass Belani d umazun n uwnetlay amatu n Yiɣlanen Yeddukklen i Tniri Tutrimt

Yeffeɣ-d ass n : Akwas, 20 Yennayer 2022 12:37   Ɣran-t : 17 n tikkal
Yessawel Mass Belani d umazun n uwnetlay amatu n Yiɣlanen Yeddukklen i Tniri Tutrimt

ZZAYER TAMANEƔT – Yessawel umazun uzzig d-yelhan s Tniri Tutrimt d tmura n Lmeɣreb, Amar Belani, ass n ukras deg Zzayer Tamaneɣt, d umazun udmawan n uwnetlay amatu n Tuddsa n Yiɣlanen Yeddukklen i Tniri Tutrimt, Staffan de Mistura, ay igan tirzi n umahil ɣef Zzayer, deg tgara n tuzzya-nnes ɣef temnaḍt, ɣef wakken ay d-yenna yiwen n ulɣu n uɣlif n yiweẓla iwerdaniyen d umɣiwan aɣelnaw deg uzɣar.

Deg yidwenniyen ay d-yellan gar-asen, « tules twekked-d tmagla tazzayrit addud n umenzay n Zzayer ama deg temsalt n yider, ama seg yidis n talɣa yernu tettḥettit-d ɣef tḍullit n ubeddu n yistagen usriden –mi ara tili tegnit twata-, d istagen n nneyya zeddigen yernu war tiwtilin gar sin n yidisan ay terza temsalt (Tirni n Polisario d Meṛṛuk) ay d-yettwabedren deg tneɣtusin n Useqqamu n Tɣellist », ɣef wakken ay d-yenna ulɣu-a.

« Dima deg temsalt-a, iɣellaten n uwanak d unabaḍ n Useqqamu n Talwit d Tɣellist n Tdukli TRafriqit gren-d tiɣri, ass n 9 Meɣres 2021, i sin n yiwanaken imaslaḍen, Meṛṛuk d Tegduda Taɛṛabt Tawnirit Tamegdayt, akken ad bdun istagen usriden yeṣfan yernu war tiwtilin s uzrak n umagrad wis 4 n yigi asebdad n Tdukli Tafriqit », ɣef wakken ay d-yenna uɣbalu-a.

Mass Belani iḥettet-d, seg yidis niḍen, taḍullit n tuddma deg leḥsab n uzref n uɣref awniri akken ad tt-id-yefru ɣef uzekka-nnes.

Tamagla tazzayrit twekked-d daɣ tixxutert n wallus n usermed d usudder n uɣawas ucrik n 1991 (Tuddsa n Yiɣlanen Yeddukklen-Tuddsa n Tdukli Tafriqit) yellan d amtawa ayiwnan ay qeblen sin n yidisan ay yerza umyenkaf snat n tikkal yernu d Aseqqamu n Tɣellist ay yessefken ad d-yelhu s waya.

Seg yidis-nnes, yenna-d umazun udmawan n Tuddsa n Yiɣlanen Yeddukklen dakken, « s umata, iswi n lewṣaya-nnes d asduqqes n ukala asertan yellan deg ubrid urgil ɣef lǧal n taɣert n yidis ameṛṛuki ay yezgan yesrusuy-d unjugen d tewtilin tiwezɣiyin i ukemmel n tegnit n usehres deg unrar », ɣef wakken ay d-yenna uḍris-a.

 

Last modified on Akwas, 20 Yennayer 2022 16:56
Yessawel Mass Belani d umazun n uwnetlay amatu n Yiɣlanen Yeddukklen i Tniri Tutrimt
  Yeffeɣ-d ass n : Akwas, 20 Yennayer 2022 12:37     Taggayt : LEZZAYER     Ɣran-t : 17 n tikkal   Bḍu