Menu principal

Menu principal

Aɣref ameṛṛuki yessefk ad inadi ad iẓer anwa ay d-yesfaydin s tidet seg yimtawayen d Tdukli Tuṛufit

Yeffeɣ-d ass n : Akwas, 20 Yennayer 2022 11:40   Ɣran-t : 13 n tikkal
Aɣref ameṛṛuki yessefk ad inadi ad iẓer anwa ay d-yesfaydin s tidet seg yimtawayen d Tdukli Tuṛufit

BRUXELLES – Yenna-d uselway n Tsemyuddest Tuṛufit i Udhal d Temsetlelt d Uɣref Awniri (Eucoco), Pierre Galand, dakken aɣref ameṛṛuki yessefk ad inadi ad iẓer anwi ay d imesfaydiyen n tidet seg yimtawayen inezzanen gar Tdukli Tuṛufut d Meṛṛuk aydeg d-yedda ula d agelluy n Tniri Tutrimt yettwawedgen.

Deg wawal-nnes deg tesgilt n « Investing’Action » deg yiẓeḍwa inmettiyen, Pierre Galand yenna-d dakken « ass-a, aɣref ameṛṛuki ur d-yerbiḥ acemma seg umgaru-a mgal Terni n Polisario », am wakken ay d-yerna dakken imesfaydiyen n wammad arusḍif ay tettamed Meṛṛuk tiɣbula tigamanin n Tniri Tutrimt deg yigzumen n usislem d ufusfaṭ d agellid n Meṛṛuk d kra n yinesbuɣar imeqqranen n tmurt-a.

« Imeṛṛukiyen yessefk ad nadin d acu-tt tnafut n ugellid-a, ɣef wakken ay d-yenna. Anwi ay d imesfaydiyen n tidet seg yimtawayen n usislem? D agellid d kra n yinesbuɣar imeqqranen n Meṛṛuk ay ibeḍḍun gar-asen ammad-a (n Tniri Tutrimt) ɣer yidis n Spenyul ay d-irebbḥen seg usislem d Fṛansa ay d-irebbḥen seg ufusfaṭ », ɣef wakken ay d-yerra umeɣnas-a.

Deg wayen yerzan asumer ameṛṛuki i Tuddsa n Yiɣlanen Yeddukklen akken ad tefk « tafulmant hrawen » i Tniri Tutrimt, yenna-d Mass Galand dakken aya yesskanay-d dakken Meṛṛuk tetteddu d temsalt n Tniri Tutrimt s yisem-nnes d tiḍni tahersant, yernu yenna-d dakken akk imussa ihersanen, mi ara teḥṛes fell-asen tegnit, ssumuren-d « tafulmant hrawen » i tehras-nsen tiqburin.

« Meṛṛuk tga tuccḍa ay gant akk teḍniwin tihersanin uqbel deg wakud aydeg iɣerfan ssuturen aguccelman yernu ulac d Iwniriyen d Terni n Polisario, ass-a, ssuturen-d azref-nsen i uguccelman », ɣef wakken ay d-yerna.

 

Aɣref ameṛṛuki yessefk ad inadi ad iẓer anwa ay d-yesfaydin s tidet seg yimtawayen d Tdukli Tuṛufit
  Yeffeɣ-d ass n : Akwas, 20 Yennayer 2022 11:40     Taggayt : LEZZAYER     Ɣran-t : 13 n tikkal   Bḍu