Menu principal

Menu principal

Amyager d uselway Tebboune deg tesɣimt n Uɣlif n Umzaɣ Aɣelnaw d « azamul amaẓlay »

Yeffeɣ-d ass n : Akras, 19 Yennayer 2022 10:25   Ɣran-t : 1 n tikkal
Amyager d uselway Tebboune deg tesɣimt n Uɣlif n Umzaɣ Aɣelnaw d « azamul amaẓlay »

ZZAYER TAMANEƔT – Yenna-d ujiniṛal  tfekka n tredsa, Said Chanegriha, aɣella n umaddad n Tredsa Taɣelnawt Taɣerfant, dakken amyager ay iga uselway n tegduda, Abdelmadjid Tebboune, ass n usinas deg tesɣimt n uɣlif n umzaɣ aɣelnaw, yella-d d « azamul amaẓlay », ɣef wakken at d-ixebber yiwen n ulɣu n uɣlif.

Aselway Tebboune iga timlilit deg tesɣimt n uɣlif n umzaɣ aɣelnaw yernu yemmuger-it ujiniṛal n tfekka n tredsa, Said Chanegriha. Deffir ma slan i yimseɣret aɣelnaw yernu rran tajmilt i yiredsanen s tsilɣin n yiɣallen n Tredsa Taɣelnawt Taɣerfant, izul uselway n tegduda amenzaḍ n Tiḍaf Tigdudanin, awnetlay amatu n uɣlif n umzaɣ aɣelnaw, imenzaḍen n yiɣallen n temsetla taɣelnawt, amenzaḍ n Temnaḍt Taredsant 1ut, asefqad amatu n tredsa d yiɣellaten n yigezda n uɣlif n umzaɣ aɣelnaw d umaddad n Tredsa Taɣelnawt Taɣerfant.

Sakkin, yeɣra-d uselway n tegduda yiwen n yinaw s usarag n teẓrit i wakk inzaḍen n yiɣallen umrigen n sḍiset n temnaḍin tiredsanin, tiyunin timeqqranin d yiɣerbazen imingen deg wakk agelluy aɣelnaw.

Uqbel aya, yeɣra-d ujiniṛal n tfekka n tredsa yiwet n tinawt aydeg yesnemmer aselway n tegduda ɣef umyager-a ay d-yellan deg « tazwara n useggas amaynu, yernu d tin ay d-yesskanayen tazitla d wuggumen uzrifen i uzekka yeǧǧuǧǧgen ugar i uɣref-nneɣ, ladɣa deffir ma ifuk ukala n tmeṣkiwt n tsuda n Zzayer tamaynut ».

« Ulac ccek dakken amyager-a d win aydeg yella uzamul d amaẓlay imi ay d-yella deg tezwara n useggas n 2022, d aseggas aydeg nesɛa asirem ad yili d win n ljehd, n wussis d useḍru n yiseḍra imaynuten yettbecciren s lxir, d wid ara nernu ɣer wid ay d-yettwasseḍran yakan deg sin n yiseggasen ineggura », ɣef wakken ay d-yenna, am wakken ay d-yerna dakken « akala n tmeṣkiwt n Zzayer tamaynut ad ikemmel deg ukatar-a s unya yezgan i lmend n usiweḍ ɣer unfal yettwassarmen, ad d-nessekmem uggumen uzrifen n uɣref-nneɣ abɣas yernu ad d-nerr asirem i yiɣermanen ».

 

Last modified on Akwas, 20 Yennayer 2022 12:47
Amyager d uselway Tebboune deg tesɣimt n Uɣlif n Umzaɣ Aɣelnaw d « azamul amaẓlay »
  Yeffeɣ-d ass n : Akras, 19 Yennayer 2022 10:25     Taggayt : LEZZAYER     Ɣran-t : 1 n tikkal   Bḍu