Menu principal

Menu principal

Tilelli n wawal ur tesɛi assaɣ d ucemmet i useknu n uwanak

Yeffeɣ-d ass n : Akras, 19 Yennayer 2022 09:21   Ɣran-t : 21 n tikkal
Tilelli n wawal ur tesɛi assaɣ d ucemmet i useknu n uwanak

ZZAYER TAMANEƔT – Iwekked-d uselway n tegduda, Abdelmadjid Tebboune, ass n usinas, dakken « awennit asertant d tlelli n wawal ttwaḍemnen, maca deg ukatar n uzrak », am wakken ay d-yerna dakken aya ur yesɛi assaɣ d ucemmet d warram n useknu n uwanak s tarrayin d wammaken uzligen.

Deg yiwen n yinaw ay d-yeɣra deg tesɣimt n uɣlif n umzaɣ aɣelnaw yernu iɛedda-d s usarag n teẓrit deg wakk inzaḍen n yiɣallen umrigen, timnaḍin tiredsanin, tiyunin timeqqranin d yiɣerbazen imingen, iwekked-d uselway n tegduda dakken « awennit asertan d tlelli n wawal ttwaḍemnen, maca aya yella-d deg ukatar n uzrak, acku snat-a n tɣawsiwin ur sɛint ara akk assaɣ d ucemmet, azraɛ n tkerkas d warram n useknu n uwanak s tarrayin d wammaken uzligen ».

Yerna-d uselway n tegduda dakken Zzayer tessaweḍ ad tebnu tisuda timenḍawanin « zeddigen » s usebɛed n yidrimen yumsen yernu aya yerẓem abrid i tsuta tamaynut n yilemẓiyen akken ad derwen deg-s, am wakken ay d-iwekked dakken aṭas n yidisan umi ur teɛjib ara tiddit-a.

« Ad qqimeɣ kan ad t-id-ttalseɣ… Ur tezmir ara akk ad d-tili tugdut deg uwanak uḍɛif, imi ḍḍeɛfan-nni d ayen ara ireẓmen abrid i twernaḍt d ummader ɣef yimenzayen », ɣef wakken ay d-yerna uɣella n uwanak.

Deg wayen yerzan tadamsa, yesmekti-d uselway Tebboune dakken ilemẓiyen izzayriyen sɣenwen-d azal n « 10.000 n temẓermisin deg 2021 » yernu yenna-d dakken tillumẓa-a d « tasuta n teṛmisin ur yessinen la asfuteṛ yekkan i tlisa, la asgufsu ».

 

Tilelli n wawal ur tesɛi assaɣ d ucemmet i useknu n uwanak
  Yeffeɣ-d ass n : Akras, 19 Yennayer 2022 09:21     Taggayt : LEZZAYER     Ɣran-t : 21 n tikkal   Bḍu