Menu principal

Menu principal

Timlilit n unabaḍ: Yella-d uslummes ɣef yigzumen n teɣdemt d ugensu

Yeffeɣ-d ass n : Asimwas, 14 Yennayer 2022 16:46   Ɣran-t : 16 n tikkal
Timlilit n unabaḍ: Yella-d uslummes ɣef yigzumen n teɣdemt d ugensu

ZZAYER TAMANEƔT – D igzumen n teɣdemt d ugensu ay d-yellan d isental igejdanen deg temlilit n unabaḍ ay yesselwi, ass n ukwas, uneɣlaf amenzu, aneɣlaf n tedrimt, Aimene Benabderrahmane, ɣef wakken ay d-yenna yiwen n ulɣu n umeẓlu n uneɣlaf amenzu.

Deg ugzum n teɣdemt, smenden-d adatsenfar n usaḍuf yessenfalen yernu yessmad asaḍuf 08-09 n 25 Fuṛaṛ 2008 yerzan asaḍuf n tsekkirt taɣarimt d tdeblant.

Asenfar-a n usaḍuf yella-d deg ukatar n usezgi n ungal-a ɣer wakaten n tmenḍawt n 1 Wamber 2020 yernu d win ara yeddmen deg leḥsab tisekkirin ara yettwasensen deg tnefra tideblanin n terfust yernu d tid yellan d tinefra n tfesna tis snat deg wayen yerzan tadbelt deffir ma yettwasmata umenzay n umuzzeg azerfan s snat n tfesniwin.

Deg tɣult n ugensu, tinbaziyin tidiganin d useqɛed n ugelluy, skeyden yiwen n usenfar n tanaḍt taslekmant ay d-isebḍen iskaren n usnas n tzemmar n uwali deg wayen yerzan asefrek, asemyuddes d usefqed n yimeẓla yettwaksummsen n uwanak d-yelhan s yigzumen yemgerraden n yirmuden deg twilayt.

Deg tɣult n usislem d ufares asiselman, smenden-d asenfar n tanaḍt taslekmant d-isebḍen tiwtilin d yiskaren n usnas n ugmir n usudded deg yiɣerruba n usislem i usetrer n tmeskar n usislem d usɣelles n yimsiselmen mer ad teḍru tedyant n diri deg yilel.

Deg tɣult n yiweẓla isɣananen d lḥubus, yella-d uneskin ɣef tferka n lḥubus d yiglan n usnegmu-nnes s usmal-nnes deg ukatar n udraw-nnes deg temyamaẓt tanmettit d yirmuden idamsanen deg Zzayer.

 

 

Timlilit n unabaḍ: Yella-d uslummes ɣef yigzumen n teɣdemt d ugensu
  Yeffeɣ-d ass n : Asimwas, 14 Yennayer 2022 16:46     Taggayt : LEZZAYER     Ɣran-t : 16 n tikkal   Bḍu