Menu principal

Menu principal

Tamettant n umjahed Othmane Belouizdad: Tebboune iɛezza tawacult-nnes

Yeffeɣ-d ass n : Akwas, 13 Yennayer 2022 08:03   Ɣran-t : 2 n tikkal
Tamettant n umjahed Othmane Belouizdad: Tebboune iɛezza tawacult-nnes

ZZAYER TAMANEƔT – Yuzen uselway n tegduda, Abdelmadjid Tebboune, ass n ukras izen n uɛezzi i twacult n umjahed Othmane Belouizdad, yemmuten ɣer 92 n yiseggasen, d win aydeg ay d-yesmekti dakken ameṛḥum yella d « amaslaḍ aneggaru n Tegrawt Tamezruyant n 22 » ay d-yesnekren Amgaru n Uslelli Aɣelnaw deg 1954.

« ‘Llan, gar lmumnin, yirgazen yeṣfan deg umuqqen-nsen ɣer Yuc. Kra seg-sen ssawḍen ɣer yiswi-nsen, ma d wiyaḍ ggunin yernu ur mzellawen ara akk ɣef umuqqen-nsen.’ S uneɣni d ameqqran ay aɣ-d-yewweḍ yisali n tmettant n umaslaḍ aneggaru n Tegrawt Tamezruyant n 22 ay yesɣiwsen akken ad d-tessenker Tagrawla n Wamber, yernu wa d amjahed Othmane Belouizdad », ɣef wakken ay d-yura uselway Tebboune deg yizen-nnes.

« Ass-a, mi nemsifeḍ d yiwen seg yimeddukal n yimeɣrusen asḍiyen ay yessaɣen ifeṭṭiwej n tegrawla tamaɣlalt n Wamber, ad nanez s tin n tejmilt i tɣersawin timeqqranin ay fkan yernu ad d-nemmekti amecwaṛ n umgaru n uslelli d umennuɣ umrig ay yennuɣ uɣref azzayri s tebɣest », ɣef wakken ay d-yerna uselway n tegduda.

« Deg tegnit-a tuqriḥt, ad ɛezziɣ seg wul lqayen tawacult n umeṛḥum d yimeddukal-nnes imjahden, am wakken ara ttreɣ Yuc Akmeḍni ad as-d-yerẓeq tamella-nnes tuqdist yernu ad t-yemmager deg Temsunt-nnes tawessɛant gar lmumnin d yimeɣrusen. ‘Nekkni n Yuc yernu ɣer-s ara neqqel’ », ɣef wakken ay d-yerna.

« ‘A taneffut yetṛaḥen, qqel ɣer Bab-nnem tdewted, tettwaqebled, adef gar yiqeddacen-inu, tadfed ɣer Temsunt-inu’ », ɣef wakken ay d-yexdem uselway Tebboune izen-nnes.

 

Last modified on Akwas, 13 Yennayer 2022 21:40
Tamettant n umjahed Othmane Belouizdad: Tebboune iɛezza tawacult-nnes
  Yeffeɣ-d ass n : Akwas, 13 Yennayer 2022 08:03     Taggayt : LEZZAYER     Ɣran-t : 2 n tikkal   Bḍu