Menu principal

Menu principal

Lexṣas n yifarisen ilan asuder hrawen : Isers Useqqamu n uɣlan  yiwet n tesmilt n tsestant

Yeffeɣ-d ass n : Asiḍyas, 08 Yennayer 2022 12:41   Ɣran-t : 15 n tikkal
Lexṣas n yifarisen ilan asuder hrawen : Isers Useqqamu n uɣlan  yiwet n tesmilt n tsestant

LEZZAYER  TAMANEƔT – Aseqqamu  n uɣlan yeɣtes, ass n usiḍyas (ssebt), akken ad isers yiwet n tesmilt n tsestant tawamnit ɣef lexṣas n yifarisen ilan asuder hrawen akken ad bedden mgal n wid yettfaṛasen tagnit.

Yettwaddem uɣtas-a deg taggara n yiwet n temlilit n Tnarit n Useqqamu n uɣlan, i yesselwi Salah Goudjil, aselway n tsudut tawamnit, yerna ssaherwen-tt i yiselwayen n tegrawin tiwamniyin akked ukestur.

« S umtawa akked tsertit n uselway n Tegduda, Abdelmadjid Tebboune, i lmend n wussisen-is akked beqqu-s igezen deg umennuɣ mgal n  n waṭanen n umunupul akked tigawin tirusḍifin, i la yettimɣuren yerna ggzen arkad akked tdukli deg tmetti akked uɣlan, yerna ma nmuqel ɣer tnefliyin i d-yeḍran deg wulzuz n wayla akked yilzazen deg mennaw n yigezda.

Rnu-d i waya, kra n tmeskar n usexṣer ur nettetḥi akked yimdanen la ijermen iɣermanen, Aseqqamu n uɣlan yeɣtes, deg ukatar n tmasiyin-is timenḍawanin deg lfayda n uɣref, s umtawa akkzd umagrad 159 n Tmenḍawt akked wayen i d-iḥettem usaḍuf agmanan akked Tlugna tagensit i t-yerzan, ad nsers yiwet n tesmilt n tsestant tawamnit ara yettwakelfen s usesten ɣef yigna n lexṣas akked umunupul iḥuzan kra n yifarisen n lsas ilan asuder hrawen deg tmurt », i neɣra deg ulɣu.

Tasmilt-a « ad tessiɣ tafat ɣef tmentilin n tezɣent-a, wid yellan deffir-s akked yidisan i la tt-yesswayen », aya akk, akken «  ad nqabel tigawin akked wadduden n dir, i la d-yettuɣalen yal tikkelt, n yimdanen-a i la yettekkayen s ccyaḍ-nsen deg tiyita n yinfarasen akked yimsudren », i yerna yenna-d uɣbalu-nni.

Yesmekti-d Useqqamu i wakk « inejramen-a akked wid i la inebcen akken ad ilint tnekriwin akked wid yetteɛraḍen ad wwten tamurt dakken Awamni, s snat texxamin-is, smemmin melmikan yiwen n usaḍuf yerzan amennuɣ mgal tigawin tirusḍifin, ad naf deg-s yikaten n uɛaqeb ».

Last modified on Asiḍyas, 08 Yennayer 2022 17:02
Lexṣas n yifarisen ilan asuder hrawen : Isers Useqqamu n uɣlan  yiwet n tesmilt n tsestant
  Yeffeɣ-d ass n : Asiḍyas, 08 Yennayer 2022 12:41     Taggayt : LEZZAYER     Ɣran-t : 15 n tikkal   Bḍu