Menu principal

Menu principal

Tettwackeṛ-d temlilt n Zzayer s yisem-nnes d taneblagt tasnuddsant n Mali

Yeffeɣ-d ass n : Asimwas, 07 Yennayer 2022 11:52   Ɣran-t : 16 n tikkal
Tettwackeṛ-d temlilt n Zzayer s yisem-nnes d taneblagt tasnuddsant n Mali

ZZAYER TAMANEƔT – Yeckeṛ-d uneɣlaf amali n yiweẓla iwerdaniyen d unmireg agraɣlan, Abdoulaye Diop, ass n ukwas deg Zzayer Tamaneɣt, tamlilt « tumasant » ay tettkemmil tetturar-itt Zzayer s yisem-nnes d « taneblagt tasnuddsant » n Mali.

« Zzayer tettkemmil tetturar tamlilt d tumasant s yisem-nnes d taneblagt tamsisat tasnuddsant n Mali. Zzayer d tamurt ay tecrek temsetlelt d Mali akken ad aɣ-d-tebded i lmendad melmi ay tt-nesri deg ukatar n wussisen n usuɣal n talwit d urkad », ɣef wakken ay d-yenna Abdoulaye Diop mi d-yeffeɣ seg yiwen n umyager ay iga d uselway n tegduda, Abdelmadjid Tebboune d win aydeg ay as-yefka izen n uselway n tukkit deg Mali, Assimi Goita.

« Ɣseɣ ladɣa ad d-cekṛeɣ tamlilt ay tetturar Zzayer ɣer yidis-nneɣ, s tamlilt tuṣṣirt, ladɣa tin ay ayyes d-yelha gma Ramtane Lamamra yellan seg zik yernu mazal-it d yiwen seg yimeggiyen umasanen yernu d amasgad n ukala-a aydeg nessuter adhal n Zzayer », ɣef wakken ay d-yerna.

Deg wayen yerzan izen ay yettunefken i Mass Tebboune, yenna-d uɣella n tdiplumatit tamalit dakken wa yella-d deg « ukatar n wassaɣen n temsetlelt, tammidwa, tagmat d tinnaregt yelhan ay yellan seg zik gar Mali d Zzayer ».

Wa d izen aydeg d-tettwabder tegnit deg Mali, ladɣa deg wayen yerzan amaynu d wuguren yerzan akala n tukkit ay d-ibanen deg Tɣimiyin Tiɣelnawin n Wallus n Umsal ay yeǧǧan Imaliyen ad d-ssiwlen, ad d-lhun s uzekka-nsen yernu ad msenfalen timuɣliwin-nsen deg wayen yerzan Mali am wakken ara d-sebḍen takkayin d yiglan wuɣur ɣsen ad ssiwḍen tamurt-nsen ».

 

Tettwackeṛ-d temlilt n Zzayer s yisem-nnes d taneblagt tasnuddsant n Mali
  Yeffeɣ-d ass n : Asimwas, 07 Yennayer 2022 11:52     Taggayt : LEZZAYER     Ɣran-t : 16 n tikkal   Bḍu