Menu principal

Menu principal

Alɣu n Useqqamu n Yineɣlafen (Agzul)

Yeffeɣ-d ass n : Aynas, 20 Dujembeṛ 2021 09:04   Ɣran-t : 5 n tikkal
Alɣu n Useqqamu n Yineɣlafen (Agzul)

ZZAYER TAMANEƔT – Yesselwi uselwya n tegduda, aɣella anafella n yiɣallen umrigen, aneɣlaf n umzaɣ aɣelnaw, Abdelmadjid Tebboune, ass n usamas, timlilit n useqqamu n yineɣlafen ay d-yellan i lmend n usekyed d uqbal n yisenfaren n usaḍuf yerzan igzumen n teɣdemt d unadi ussnan, am wakken ay d-yella deg-s usemned n yiwen n uneskin ɣef usnegmu n ufares akerrazan, ɣef wakken ay d-yenna yiwen n ulɣu n useqqamu n yineɣlafen.

Deg wayen yerzan asenfar n usaḍuf agmanan d-yesbaduyen tiskarin n ufran n yimaslaḍen n Useqqamu Imineg n Tinneflest, bedren-d ilugan n usuddes d umuzel-nnes.

Deg wayen eyrzan aseɣnew n telɣa tamaynut n teṛmisin s yisem n « Teṛmist s Tfulin Yettwasḥerfin », nnan-d dakken akat-a d win ara yesbeɣsen ilemẓiyen ad d-sɣenwen tigemma yernu ad yessifses asidrem n teṛmisin-a.

Deg wayen yerzan ilugan imuta yerzan almud imineg, yettwaɣtes usuddes igerrzen n tesdawit s usbadu n yislaganen igensiyen yerzan yal afurk asdawan yernu yessefk ad tettwazrek tfulmant n tesdawit.

Deg wayen yerzan asnegmu n ufares akerrazan d usenqes n tagelt tanuččit, yettwaɣtes uheyyi n temyadast tamehlant ara yilin ɣef leḥsab n tkerrazt tazzayrit yernu ters ɣef tilawt n tkerrazt, maci ɣef leḥsab n tsersiyin tisdawanin, am wakken ay yettwaɣtes ucegger n usuddes n tedbelt takerrazant ama deg uswir alemmas, ama deg uswir amnaḍan d udigan, s uḍfar n temyadast n usmeskel ara yefken azal i tuzwirin.

 

Last modified on Aynas, 20 Dujembeṛ 2021 13:24
Alɣu n Useqqamu n Yineɣlafen (Agzul)
  Yeffeɣ-d ass n : Aynas, 20 Dujembeṛ 2021 09:04     Taggayt : LEZZAYER     Ɣran-t : 5 n tikkal   Bḍu