Deg tmuɣli-ya, attekki n uneɣlaf Amenzu, aneɣlaf n Tiẓraf, Mass Aïmene Benabderrahmane, deg tqacuct s yisem-is d agensas n uselway n Tegduda, Abdelmadjid Tebboune, d ttbut  n yiwet n liḥala tasurfan n wassaɣen isindisanen yellan gar Lezzayer akked Ṭṭerk deg mennaw n tɣula.

Acrak-a asurfan, gar Lezzayer akked Ṭṭerk i yeqqen yiwen n umtawa n tagmat akked unmireg seg useggas n 2006, yegla-d s usṭuqqet n usidrem akked umbiddel deg tnezzut akked useǧhed n umciwer asertan ɣef tuttriwin timnaḍanin akked tegraɣlanin ilan lfayda tucrikt.

Ad nesmekti dakken, Aselway aṭerki Recep Tayyip Erdogan iqerra-d, mi d-iga tirzi-s n umahil akked tegmat ɣer Lezzayer deg yennayer 2020, dakken Ṭṭerk tettkel aṭas ɣef Lezzayer deg wayen yerzan anǧaḥ n tqacuct Ṭṭerk-Tafriqt, yettwali dakken Lezzayer « Lezzayer d tawwurt taxatart mqer tmazɣa akked Tefriqt ».