Menu principal

Menu principal

Alɣu n Useqqamu n Yineɣlafen

Yeffeɣ-d ass n : Aynas, 06 Dujembeṛ 2021 11:56   Ɣran-t : 0 n tikkal
Alɣu n Useqqamu n Yineɣlafen

ZZAYER TAMANEƔT – Yesselwi uselway n tegduda, aɣella anafella n yiɣallen umrigen, aneɣlaf n umzaɣ aɣelnaw, Abdelmadjid Tebboune, ass n usamas, timlilit n useqqamu n yineɣlafen i usekyed d uqbal n kra n yisenfaren n usaḍuf d tanaḍin d usemned n kra n yineskinen yerzan mennaw n yigzumen, ɣef wakken ay d-yenna yiwen n ulɣu n tselwit n tegduda.

Deffir ma yerẓem uselway n tegduda timlilit d usemned n yiwen n uneskin ɣef tigawt n unabaḍ, d anesken ay d-iga uneɣlaf amenzu, yeqbel useqqamu asenfar n usaḍuf d-isebḍen asuddes, umuɣ n yimaslaḍen, amuzel d tuɣdaḍin n Tkadimit Tazzayrit n Tussniwin d Tesnatwilin d tanaḍin tiselwayanin yerzan awemmeṛ n kra n temyaqqanin tigraɣlanin.

I lmend n waya, yumeṛ uselway s waya:

Tamenzut: Deg wayen yerzan Takadimit Tazzayrit n Tussniwin d Tesnatwilin

- Ad d-ssemlilen akk tignatin yessefken i userbeḥ n tsudut-a s usgiri n usbadu-nnes.

- Ad ssikenwen takadimit-a d tkadimiyin tigraɣlanin.

- Ad sqedcen inadiyen n tkadimit-a deg unagraw asegman d unadi ussnan n aɣelnaw.

- Aheyyi n uslagan agensi ara taklal tkadimit-a s yisem-nnes d tasudut tussnant n uswir unnig deg tmurt.

 

Tis snat, deg wayen yerzan asmuteg i Turarin Tulampiyin n 2022 deg Wehṛan:

- Awekkel n uneɣlaf n waddal akken ad yettḍafar, yal imalas, anya n twaẓit n yimahilen s usemyuddes d uwali n Wehṛan, yernu ad yettakf imla d iseddiyen d yifrawanen i uneɣlaf amenzu ɣef temsalt-a.

- Aseɣnew adeɣyan n tsudut ara d-yelhun s uḍfar n usmuteg d udraw n twegdiwin yesɛan tarmit meqqren deg usefrek n tedyanin taddalanin tigraɣlanin.

- Aciri n umciweṛ agraɣlan i ufran n yimsemhal deg wayen yerzan arrum addalan.

 

Tis kraḍt: Taɣuni ɣer Internet

- Yebder-d uselway aselhu ay sselhan aktum n Internet seg 2020.

- Yessefk ad ilin yiguta iduwlalen igraɣlanen d imaynuten i tɣuni ɣer Internet d tmura tuṛufiyin.

- Tukksa n ugatu n yiɣir d useqdec n ugatu n yisireg asekdan deg udeg-nnes war leɛḍil.

- Yessefk ad yettwasselhu uktum n Internet deg yiɣsuren idrimanen i usebɣes n uxelleṣ aliktṛunan deg mennaw n tɣula.

 

Tis kuẓet: Asnegmu n tdamsa n tmussni d tgemma

Yeckeṛ-d uselway n tegduda tafellut ay d-yellan deg unrar n tgemma i lmend n usineḍ n tdamsa taɣelnawt d urẓam n ubrid i yilemẓiyen yeɣsen ad d-sɣenwen tiṛmisin, am wakken ay yumeṛ ineɣlafen n temguri d tnezzut d yineɣlafen inesmigalen d-yelhan s tgemma d temẓermisin akken ad d-smutgen, i tezwara n 2022, tamesrit tagraɣlant ɣef usemned n termitin yerzan timẓermisin d umsenfal n termitin d tmura niḍen.

 

 

Alɣu n Useqqamu n Yineɣlafen
  Yeffeɣ-d ass n : Aynas, 06 Dujembeṛ 2021 11:56     Taggayt : LEZZAYER     Ɣran-t : 0 n tikkal   Bḍu