Print this page

Zzayer tger-d tiɣri i temyamaẓt gar tmura tifriqiyin deg tsuda tigraɣlanin

Yeffeɣ-d ass n : Asimwas, 03 Dujembeṛ 2021 14:05   Ɣran-t : 5 n tikkal
  • Bḍu
Zzayer tger-d tiɣri i temyamaẓt gar tmura tifriqiyin deg tsuda tigraɣlanin

WEHṚAN – Tger-d Leila Zerrouki, tamazunt-nnes tuzzigt d-yelhan s yiblagen igraɣlanen imeqqranen, ass n ukwas, i lmend n temyamaẓt d usemyuddes gar tmura tifriqiyin d tsuda tigraɣlanin.

« Timura tifriqiyin yessefk ad sɛunt tigawt d tucrikt ula ma llan yimgerraden gar-asent », ɣef wakken ay d-twekked Massa Zerrouki deg yiwet n tesguri i tɣemsa deg yijifeṛ n usarag wis 8 n uswir unnig ɣef talwit d tɣellist deg Tefriqt ay d-yettilin deg Wehṛan.

« Ula ma llan aṭas n wuguren gar tmura tifriqiyin, yessefk ad d-tili tigawt i lfayda n umenẓaw », ɣef wakken ay d-tḥettet tɣellalt-a taqburt n tuɣdaḍt n userked n Tuddsa n Yiɣlanen Yeddukklen deg Tegduda Tamegdayt n Kungu (Monusco).

« Tafriqt tesɛa 4 n tesɣimin ur yezgin deg Useqqamu n Tɣellist n Tuddsda n Yiɣlanen Yeddukklen seg gar 15 yernu aya maci d ayen ara yettwaḥeqren. Kuẓet n tuɣac ara ideɣren ddukkli i lfayda n umenẓaw d tadusi, ɣef wakken ay d-tenna tdiplumatit-a.

« Imgerraden llan deg yal tamnaḍt, d acu kan, amahil ara d-yilin s ubrid amazday ur yessefk ara ad yettwassedrem », ɣef wakken ay d-tenna tmazunt tuzzigt ay d-yernan dakken « amyager n Wehṛan d win ara d-yessemlilen timura tifriqiyin i usemyuddes, amsenfal n termitin d usmuteg i ugenses afriqi yessawalen s yiwet n taɣect ».

 

 

Last modified on Asamas, 05 Dujembeṛ 2021 10:52
Zzayer tger-d tiɣri i temyamaẓt gar tmura tifriqiyin deg tsuda tigraɣlanin
  Yeffeɣ-d ass n : Asimwas, 03 Dujembeṛ 2021 14:05     Taggayt : LEZZAYER     Ɣran-t : 5 n tikkal   Bḍu