Menu principal

Menu principal

Meṛṛuk tebɣa ad tessedrew Zzayer deg umyenkaf deg Tniri Tutrimt

Yeffeɣ-d ass n : Akwas, 02 Dujembeṛ 2021 12:25   Ɣran-t : 0 n tikkal
Meṛṛuk tebɣa ad tessedrew Zzayer deg umyenkaf deg Tniri Tutrimt

ZZAYER TAMANEƔT – Iwekked-d uselway n Tegduda Taɛṛabt Tawnirit Tamegdayt d uwnetlay amatu n Terni n Polisario, Brahim Ghali, dakken anhil ameṛṛuki yella yesɛa « tikerrist » deg wayen yerzan Zzayer yernu yella yettarem ad tt-yessedrew deg umyenkaf n Tniri Tutrimt ula ma amɣiwan agraɣlan yukez dakken llan ala sin n yidisan deg umyenkaf-an yernu wi d Meṛṛuk d Terni n Polisario.

« Amaḍal d umɣiwan agraɣlan ukzen s tillit n sin n yidisan deg umyenkaf n Tniri Tutrimt yernu wi d Meṛṛuk d Terni n Polisario. Zzayer d Muriṭanya d iwanaken kan imanayen », ɣef wakken ay d-yenna uselway Ghali deg yiwet n tdiwennit ay iga d tliẓri tazzayrit yernu iɛedda-d ass n usinas.

« Zzayer d tamurt tanaragt tamsisat yernu ur tetteffer ara adhal-nnes i Tniri Tutrimt. Tedhel daɣ nagdudi imussa n uslelli deg Tefriqt d temnaḍin niḍen n umaḍal am Timuṛ Tagmuḍant, Namibya, Muzambik, Angula, Tafriqt n Unẓul d Falesṭin », ɣef wakken ay d-yesmekti.

Imi Meṛṛuk teɣs ad tessedrew Zzayer deg yistagen n uferru n umyenkaf deg Tniri Tutrimt, idis awniri iger-d tiɣri i « usedrew n Fṛansa deg yistagen ladɣa imi ay tedhel asemɣer n uwdag ameṛṛuki s uviṭu-nnes in ugdal n usmemmi n tneɣtusin yellan mgal tɣennant n Meṛṛuk deg Useqqamu n Tɣellist ».

Meṛṛuk tebɣa ad tessedrew Zzayer deg umyenkaf deg Tniri Tutrimt
  Yeffeɣ-d ass n : Akwas, 02 Dujembeṛ 2021 12:25     Taggayt : LEZZAYER     Ɣran-t : 0 n tikkal   Bḍu