Menu principal

Menu principal

La nteddu s acegger n wakk iḍrisen izerfanen akken ad naweḍ ar tɣamsa tasadurant tamasayt

Yeffeɣ-d ass n : Asinas, 30 Wamber 2021 12:33   Ɣran-t : 0 n tikkal
La nteddu s acegger n wakk iḍrisen izerfanen akken ad naweḍ ar tɣamsa tasadurant tamasayt

LEZZAYER  TAMANEƔT – Aneɣlaf Amenzu, aneɣlaf n Tiẓraf, Aïmene Benabderrahmane yenna-d, ass n usinas (ttlata) deg Lezzayer, dakken Anabaḍ ad yekker ɣer ucegger n wakk iḍrisen izerfanen akken ad naweḍ s aḥettem n yiwet n tɣamsa tasadurant yerna d tamasayt, icar-d dakken kfan kuẓ (04) n yiḍrisen izerfanen i usmal n ugzum.

Yemmeslay-d deg deg yiwen n Wass n uzraw i ssuddsen i lmend n usfugel n umulli wis 60 n useɣnew n Tnegga n Yisalan n Lezzayer, yenna-d uneɣlaf Amenzu dakken « Anabaḍ la iteddu s acegger n wakk iḍrisen izerfanen akken ad iḥettem yiwet n tɣamsa tasadurant yerna d tamasayt.

D taɣamsa ara iqadren ilugan n ttuzzma, deg uklatar n usezgi n yiḍrisen ɣer wid n Tmendawt n useggas n 2020 i wakken ad rren ɣef wayen i llan ssaramen-t yiɣermanen akked uḍman n unekcum-nsen ɣer telɣut n tidet akked Umeẓlu anagdud n teɣwalt, rnu-yas allus n usuddes n ugzum i wakken ad yemtawa n tnefliwin tinmettiyin akked tdinamit tasertant i la tettidir Tmurt ».

Deg tmuɣli-ya, yenna-d Mass Benabderrahamane dakken kfan « kuẓ n yiḍrisen i izemren ad semlen agzum-a astratijan ». Iḍrisen-a, d « asaḍuf agmanan yerzan talɣut akked yisaḍufen ɣef yisliẓri, adellel akked usenqed n tmuɣliwin », i d-yesseddi, yerna yenna-d dakken Anabaḍ la yettmahal akken ad yekfu tinaḍin tislekmanin yerzan asuddes n yirmuden n tneggiwin n teɣwalt.

 

La nteddu s acegger n wakk iḍrisen izerfanen akken ad naweḍ ar tɣamsa tasadurant tamasayt
  Yeffeɣ-d ass n : Asinas, 30 Wamber 2021 12:33     Taggayt : LEZZAYER     Ɣran-t : 0 n tikkal   Bḍu