« Tifranin tidiganin n 27 Wamber 2021 d tid ay d-yellan d asihaṛ amegday axatar ara yeǧǧen tamurt ad tessmed tiddit n tmeṣkiwt tasudant d usejhed n tugdut tadrawant s uzrak n yimuqqnen n uselway n tegduda, Abdelmadjid Tebboune deg wahil-nnes afranan yernu yella-d waya d tiririt i tnegmiyin n Umussu Aɣerfan adettan yellan yessutur anfal amegday », ɣef wakken ay d-yenna Mass Goudjil deg yiwet n tinawt ay d-yeɣra i yimedrawen n Tedwilt tis 143 n Ugraw n Tdukli Tagerwamnit ay d-yellan deg Madrid (Spenyul) yernu yeɣra-tt-id s yisem-nnes unmazul n uselway n Useqqamu n Uɣlan, aselway n tmagla tawamnit iderwen deg tedwilt-a, Mass Ahmed Bennai.

« Amaḍal atan yedder deg yiwet seg tegnatin-nnes n diri akk deg wakk iswiren seg wasmi ay ifuk Umgaru Anmaḍal Wis Sin », yernu nnig waya, yettqabal « icqirrwen niḍen ur nezmir ad neqqen tiṭṭawin-nneɣ fell-asen, bit twi d icqirrwen ay d-yellan d unjugen i tugdut yernu tteggzen talwit d tɣellist tigraɣlanin, am wakken ay tteggzen tanaya taɣelnawt n yiwanaken, tilisa-nsen, imenzayen igraɣlanen ireslanen d unagraw ageddisan », ɣef wakken ay d-yerna.

 Yesmekti-d s tixxutert n « uferru n temsal tigraɣlanin s temyadast aydeg ara ttekkin akk yidisan ay terza temsalt s uslummes ɣef ssebbat tilqayanin », am wakken ay d-iwekked dakken tagnit tagraɣlant tanimirt d tin aydeg terna « tarat n tremɣa, tajrimt izegren i tlisa d tgermanin tiredsanin d tsertanin tiwerdaniyin deg yiwelẓa igensiyen n mennaw n tmura yernu d aya ay d ssebba n urarkad deg mennaw n temnaḍin ».

Iwekked-d ɣef wattal, « tixxutert n temlilt n umni deg tmeddurt tasertant taɣelnawt n yal tamurt d yidrawen-nnes imeqqranen deg usekmem n yisirmen d wuggumen n wakk iɣerfan ».