Menu principal

Menu principal

Tasudut Taɛṛabt Mgal Usegnu: Amtawa aredsan ameṛṛuki-aṣehyuni iswi-nnes d Zzayer

Yeffeɣ-d ass n : Asinas, 30 Wamber 2021 10:29   Ɣran-t : 0 n tikkal
Tasudut Taɛṛabt Mgal Usegnu: Amtawa aredsan ameṛṛuki-aṣehyuni iswi-nnes d Zzayer

BENƔAZI – Yenna-d uselway n Tsudut Taɛṛabt Mgal Usegnu, Ahmed Khalifa, ass n uynas, dakken tirzi n uneɣlaf aṣehyuni n umgaru ɣef Meṛṛuk ɣef Meṛṛuk d uxebber ɣef umtawa aɣellisan d uredsan gar Rrbaṭ d Uyun Aṣehyuni « anican-nnes amezwaru d Zzayer » yernu d win ay d-yellan d « tiyita tamaynut mgal tɣellist taɣelnawt taɛṛabt ».

Aselway n n Tsudut Taɛṛabt Mgal Usegnu yeṭṭef daɣ adeg n uselway n Usanay Amɣarbi Mgal Usegnu Aṣehyuni, yernu yenna-d deg yiwet n tesguri i Tnegga n Yisalan n Zzayer dakken « imtawayen ay d-yellan gar unhil ameṛṛuki d Uyun Aṣehyuni, ladɣa amtawa aɣellisan d uredsan, d ayen ay d-yesskanayen, war ccek, adraw n Lmexzen deg uxdaɛ i uɣlan d tmurt-nnes, ama zik, ama imir-a ».

Ɣef leḥsab n Mass Khalifa, amtawa-a d acewwel n tɣellist taɣelnawt tameṛṛukit yernu yettḥakaṛ daɣ Zzayer ladɣa s urkaḍ n tɣellist taɣelnawt taɛṛabt.

Amtawa-a yekcef-d daɣ « adraw urẓim n unhil ameṛṛuki deg wayen yellan mgal tɣellist taɣelnawt i lfayda n usenfar amarikani-aṣehyuni d wudem-nnes n uxabit ixedɛen Aɣlan ».

Mass Ahmed Khalifa iger-d tiɣri i yiɣallen iɣelnawen imeṛṛukiyen, akk iɣallen iɣelnawen aɛṛaben d yilelliyen n Uɣlan akken ad qablen « acqirrew-a amihaw s uzday n yidurra d usguri n umqabel mgal yinhilen aɛṛaben yessegnayen assaɣen d ucengu aṣehyuni yernu gan yid-s tamsisit mgal yiɣlanen-nsen am wakken ay xedɛen tamsalt talemmast yellan d tamsalt n Falesṭin ».

Anhil n Lmexzen iga, ass n ukras yezrin deg Rrbaṭ, amtawa n Uyun Aṣehyuni i lmend n unmireg aɣellisan « yernu aya d win ara d-yesɣenwen tiregwa d tunṣibin gar yimeẓla n tɣellist d wumel » gar sin-a n yidisan, yernu yella-d waya aseggas deffir usegnu n wassaɣen-nsen deg wakud aydeg aɣref ameṛṛuki simal ttnernin wurfan-nnes ɣef temsalt-a d temsal niḍen.

 

Tasudut Taɛṛabt Mgal Usegnu: Amtawa aredsan ameṛṛuki-aṣehyuni iswi-nnes d Zzayer
  Yeffeɣ-d ass n : Asinas, 30 Wamber 2021 10:29     Taggayt : LEZZAYER     Ɣran-t : 0 n tikkal   Bḍu