Menu principal

Menu principal

Ad yettikki Lamamra deg yimuhal n temlilit taɣlifant n Umyiger ɣef Unmireg acinwi-afriqi

Yeffeɣ-d ass n : Aynas, 29 Wamber 2021 15:31   Ɣran-t : 2 n tikkal
Ad yettikki Lamamra deg yimuhal n temlilit taɣlifant n Umyiger ɣef Unmireg acinwi-afriqi

LEZZAYER  TAMANEƔT – Aneɣlaf n Yiweẓla n uzɣar akked Umɣiwan yeddren deg uzɣar, Ramtane Lamamra yeqbel, asnebgi n umtil-is acinwi akked usanigali, akken ad yettekki deg yimuhal n temlilit taɣlifant tis 8 n Umyiger ɣef unmireg acinwi-afriqi deg Dakar (Ssinigal), ara d-yeḍrun ass n uynas (letniyen) akked usinas (ttlata), i d-yenna yiwen n ulɣu n uɣlif.

Iɣlifen yettekkan deg temlilit-a yersen ddaw n usentel « Aselqey n ucrak acinwi-afriqi akked usmal n tneflit tunzigt Ccinwa-Tafriqt deg tallit tamaynut », ad mmeslayen ɣef uḍfar n useddu n wayen i yis-s d-ffɣen deg tedwilt tis 3 n umyiger i d-yeḍran ayyur n ctember 2018 deg Pekin.

Ad yili daɣen usektazel n unmireg acinwi-afriqi deg wayen yerzan amennuɣ mgal n unfafad bu tesmert (Covid-19), i wakken ad nessifses taẓeyt-is ɣef tdamsa akked tiẓraf, rnu-d i waya, amahel i usduqqes n tneflit deg Tefriqt, i d-yesseddi uɣbalu-nni.

Ineɣlafen ifriqiyen akked yimtilen-nsen icinwiyen ad smemmin yiwen n wahil n tigawt akked unmireg Afriqi-Acinwi i twala n 2022-2024, rnu-yas yiwen n warrat yerzan uwelleh n unmireg acinwi-afriqi s igli n 2035 yuɣalen d tiferkit neɣ d ahil n tikli n unmireg asinutlayan teɣzi n ukud talemmat akked tɣezfant.

Last modified on Asinas, 30 Wamber 2021 12:01
Ad yettikki Lamamra deg yimuhal n temlilit taɣlifant n Umyiger ɣef Unmireg acinwi-afriqi
  Yeffeɣ-d ass n : Aynas, 29 Wamber 2021 15:31     Taggayt : LEZZAYER     Ɣran-t : 2 n tikkal   Bḍu