Menu principal

Menu principal

60 n yiseggasen deg leɛmer n Tnegga, 1 Dujembir i d asfugel n umulli n useɣnew-is

Yeffeɣ-d ass n : Aynas, 29 Wamber 2021 13:26   Ɣran-t : 1 n tikkal
60 n yiseggasen deg leɛmer n Tnegga, 1 Dujembir i d asfugel n umulli n useɣnew-is

Ad tesfugel Tnegga n Yisalan n Lezzayer, ass n ukras (larebɛa) i d-iteddun, amulli wis 60 n useɣnew-is. Tlul-d ass n 1 dujember 1960 deg Tunes deg twala n umennuɣ n uɣref azzayri ɣef uzarug-is.

Seg i d-newwi azarug-nneɣ aɣelnaw, Tanegga n Yisalan n Lezzayer teṭṭef tansa deg Lezzayer tamaneɣt deg sin n yimeḍqan yemgarden, agmam n Teqṣebt n Lezzayer akked uzadaɣ n « aéro-habitat » i d-yekkan nnig n ukernay n tmaneɣt.

Sakkin, akken kan tesserked iman-is deg uɣlad Che Guevara, tewwi-d Tnegga isgalfen teḥwaǧ am wakk tineggiwin n tɣamsa (izirigen n tilifun, telzks, asekcem n yineɣmasen). Deg tazwara, tella Tnegga n Yisalan n Lezzayer tettmahal s allalen imejṭaḥ s usemres n unagraw n usuḍu (d aqalus ideg ttaznen deg-s tibratin –talɣut- s usuḍu, d aẓeḍwu iɛeddan seg tnarit tadeblant ɣer tayeḍ).

Deg useggas n yennayer 1993, deg tesɣimt-is yellan deg Tqubbet, tekcem Tnegga n Yisalan n Lezzayer deg umennuɣ akked tesnatwilin timaynutin. Deg 1 yennayer 1994, tcar anagraw-is amezwaru yettawsenselkamen, ass n 25 yebrir 1995, tebda Tnegga anezwi awurman n telɣut-is. Ass n 18 furar 1998, terẓem Tnegga n Yisalan n Lezzayer asmel-is n Iternet seg llan rsen yisebtar-is, ugar n useggas, deg « CERIST » (A mmas n tedmi ɣef telɣut tussnant akked tetwilant n Ben Ɛeknun).

A ss n 5 yulyu 1998, tcar Tnegga n Yisalan n Lezzayer isebtar-is web s tutlayt taɛrabt akked ufaris-is APS Online. Iqelleɛ umecwar amaynu ar yawin Tanegga n Yisalan n Lezzayer deg yiberdan inmaḍalen n telɣut akked teɣwalt. Deg wayyur n wunbir n useggas-nni, Tanegga n Yisalan n Lezzayer tebda asnezwi n ugensa, d ayen i tt-yessawḍen ad tessihrew ifarisen-is. Akka, imsaɣen-is zemren tura ad  smahlen, s umeccaq (APS Online) yerna deg ukud ilaw, tibankiwin-is n yisefkan, imeẓla-s yemmuzgen neɣ s tkerḍa, tiwlafin-is tumḍinin akked yifarisen-is isenselkimanen. Tesɛ Tnegga n Yisala n Lezzayer targa-s n Youtube. Tewwi-d daɣen yiwen n wammas n yisefka, i la yettwasbuɣɣuren yal aseggas, d netta i la yessefraken akk irmuden umḍinen seg useggas n 1993 ar tura.

Acɣab-is d tilin deg wul n tedyant s tduli hrawen n telɣut, Tanegga n Yisalan n Lezzayer ilan tasɣimt deg tlemmas agmuḍan n Lezzayer tamaneɣt, tha deg ugensu n tmurt s tnariyin-is timnaḍanin deg yal agezdu. Tesɛa Tnegga n Yisalan n Lezzayer 4 n tmehliwin timnaḍanin yezran deg tmurt-nneɣ (Blida, Waregla, Qsenṭina akked Wehran) i d-yessegrawen akk irmuden 47 n tnariyin yuzzaren deg wakal n tmurt. Tettmahal tnegga imir-a ad teẓẓu iman-is deg 10 n yigezda imaynuten i d-sɣenwen melmi kan.

Last modified on Aynas, 29 Wamber 2021 13:30
60 n yiseggasen deg leɛmer n Tnegga, 1 Dujembir i d asfugel n umulli n useɣnew-is
  Yeffeɣ-d ass n : Aynas, 29 Wamber 2021 13:26     Taggayt : LEZZAYER     Ɣran-t : 1 n tikkal   Bḍu