Menu principal

Menu principal

Tugdut tadrawant d tin aydeg aɣerman yessefk ad iɛass yernu ad yeḍfer iweẓla iyalasen

Yeffeɣ-d ass n : Asamas, 28 Wamber 2021 09:56   Ɣran-t : 0 n tikkal
Tugdut tadrawant d tin aydeg aɣerman yessefk ad iɛass yernu ad yeḍfer iweẓla iyalasen

ZZAYER TAMANEƔT – Iwekked-d, ass n usiḍyas, uselway n Udabu Aɣelnaw Amzarug n Tefranin, Mohamed Charfi, dakken tugdut tadrawant d tin aydeg aɣerman yessefk ad iɛass yernu ad yeḍfer iweẓla iyalasen.

Deg yiwet n tesguri i tɣemsa deffir ma iga aɣan-nnes afranan deg uɣerbaz n Waytmaten Hachemi deg Lebyar (Zzayer Tamaneɣt), yekcef-d Mass Charfi dakken aktamur n udraw n tefranin n yigrawen iɣerfanen inɣiwanen d twilayin » ay d-yellan armi d imir-nni yelha yernu d win yettbecciren dakken iɣermanen ukin s tixxutert n usefrek n yiweẓla-nsen, am wakken ay d-iwekked ɣef tixxutert n uɣerman ay yessefken ad yurar tamlilt-nnes, ad yamed izerfan-nnes yernu ad iḥaseb ufrinen-nnes.

Dima deg temsalt-a, yenna-d dakken « tugdut tadrawant tefka i uɣerman izerfan, am wakken daɣ ay d-tḥettem fell-as ad yesɛu taɣḍeft yernu ad yeḍfer iweẓla iyalasen » n tenbazit aydeg yezdeɣ.

Deg wayen yerzan aktamur n udraw seg wasmi ay d-bdant tefranin, yenna-d Mass Charfi dakken aktamur-a « yesskanay-d dakken tugdut tadrawant » ad tfak tmeṣkiwt-nnes yernu « aktamur n udraw ur d-yelli ara d amgi umasan i Zzayer tamegdayt ». « Ayen yesɛan azal d adraw anefri yernu d win ara d-iqamen i tukci n tzerfa i wufrinen », ɣef wakken ay d-yenna.

Mi medlent tnariyin ɣef tis 7:00 n tmeddit, yesseɣzef Udabu Aɣelnaw Amzarug n Tefranin akud n udɣar armi d tis 8:00 deg kra n tnariyin n udɣar, yernu, mi tfuk temhelt n udɣar ula deg tnariyin-a, yewweḍ uktamur n udraw ɣer 35,97% deg wayen yerzan tifranin n yigrawen iɣerfanen  inɣiwanen d 34,39% deg wayen yerzan tifranin n yigrawen iɣerfanen n twilayt, ɣef wakken ay d-yenna uselway n udabu-a, Mohamed Charfi.

 

Last modified on Asamas, 28 Wamber 2021 10:01
Tugdut tadrawant d tin aydeg aɣerman yessefk ad iɛass yernu ad yeḍfer iweẓla iyalasen
  Yeffeɣ-d ass n : Asamas, 28 Wamber 2021 09:56     Taggayt : LEZZAYER     Ɣran-t : 0 n tikkal   Bḍu