Menu principal

Menu principal

Tifranin tidiganin ddant deg udki d usuddes yelhan 

Yeffeɣ-d ass n : Asamas, 28 Wamber 2021 09:38   Ɣran-t : 0 n tikkal
Tifranin tidiganin ddant deg udki d usuddes yelhan 

ZZAYER TAMANEƔT – Ɛeddant tefranin n yigrawen iɣerfanen inɣiwanen d twilayt deg udki d tegnit yelhan ass n usiḍyas, yernu yewweḍ uktamur n udraw ɣer 24,27% ɣef tis 4:00 n tmeddit deg wayen yerzan tifranin tinɣiwanin.

Tifranin-a llant-d d agmuḍ n ukala ay d-yebdan deg tselwayanin aydeg yerbeḥ uselway n tegduda, Mass Abdelmadjid Tebboune, ass n 12 Dujembeṛ 2019, sakkin teḍfer-itt-id tsefrant ɣef ucegger n tmenḍawt ass n 1 Wamber 2020, d tefranin tisiḍfanin n 12 Yunyu 2021.

Azal n 24 n yimelyunen n yiferranen (23.717.479) umi d-ɣran ɣer tefranin akken ad deɣren ɣef 24.891 n yimaslaḍen deg yigrawen iɣerfanen inɣiwanen d 2.350 n yimaslaḍen deg yigrawen iɣerfanen n twilayt. Adɣar yella-d deg 61.696 n tnariyin d 13.326 n wammasen n udɣar iferqen ɣef 1.541 n tɣiwanin n tmurt.

Mi medlent tnariyin ɣef tis 7:00 n tmeddit, yesseɣzef Udabu Aɣelnaw Amzarug n Tefranin akud n udɣar armi d tis 8:00 deg kra n tnariyin n udɣar, yernu, mi tfuk temhelt n udɣar ula deg tnariyin-a, yewweḍ uktamur n udraw ɣer 35,97% deg wayen yerzan tifranin n yigrawen iɣerfanen  inɣiwanen d 34,39% deg wayen yerzan tifranin n yigrawen iɣerfanen n twilayt, ɣef wakken ay d-yenna uselway n udabu-a, Mohamed Charfi.

 

Last modified on Asamas, 28 Wamber 2021 10:01
Tifranin tidiganin ddant deg udki d usuddes yelhan 
  Yeffeɣ-d ass n : Asamas, 28 Wamber 2021 09:38     Taggayt : LEZZAYER     Ɣran-t : 0 n tikkal   Bḍu