Menu principal

Menu principal

Nesḥissif imi aneɣlaf n uyun aṣehyuni yeggez tamurt taɛṛabt seg tmurt taɛṛabt niḍen

Yeffeɣ-d ass n : Asiḍyas, 27 Wamber 2021 08:56   Ɣran-t : 0 n tikkal
Nesḥissif imi aneɣlaf n uyun aṣehyuni yeggez tamurt taɛṛabt seg tmurt taɛṛabt niḍen

ZZAYER TAMANEƔT – Iwekked-d uselway n tegduda, Abdelmadjid Tebboune, ass n usimwas tameddit, dakken yesḥassef imi yiwen n uneɣlaf n uyun aṣehyuni yeggez tamurt taɛṛabt (Zzayer) seg tmurt taɛṛabt niḍen (Meṛṛuk), am wakken ay d-yerna dakken aya d igi « urxis yesseɣlayen s wazal » n bab-nnes.

« D tikkelt tamezwarut, seg 1948, aydeg aneɣlaf n uyun-a yerza ɣef tmurt taɛṛabt yernu yeggez-d seg-s tamurt taɛṛabt niḍen. Igi am wa yeḍla-as lɛaṛ i tmurt-nni ay t-yemmugren », ɣef wakken ay d-yenna uselway Tebboune deg tdiwennit-nnes tawalant d yigensasen n yimidyaten iɣelnawen.

Deg yiwet n terzi ay iga uneɣlaf n yiweẓla iwerdaniyen n uyun aṣehyuni ɣef Meṛṛuk deg Ɣuct yezrin, yenṭeg-d uneggaru-a Zzayer deg wawal-nnes yernu yenna-d dakken Zzayer tesɛa « tamlilt yessaggaden deg temnaḍt ».

« Tamseksalt-a tamihawt n uneɣlaf aṣehyuni d win inekṛen taẓugit-nni n ‘tuẓẓla n ufus’ ay tessedday tezniwt tameṛṛukit bennan », ɣef wakken ay d-yenna uselway.

 

 

Nesḥissif imi aneɣlaf n uyun aṣehyuni yeggez tamurt taɛṛabt seg tmurt taɛṛabt niḍen
  Yeffeɣ-d ass n : Asiḍyas, 27 Wamber 2021 08:56     Taggayt : LEZZAYER     Ɣran-t : 0 n tikkal   Bḍu