Menu principal

Menu principal

Yesselwi uselway Tebboune arẓam n useggas aɣedman n 2021-2022

Yeffeɣ-d ass n : Asamas, 24 Tubeṛ 2021 12:59   Ɣran-t : 1 n tikkal
Yesselwi uselway Tebboune arẓam n useggas aɣedman n 2021-2022

ZZAYER TAMANEƔT – Yeselwi uselway n tegduda, Abdelmadid Tebboune, aselway n useqqamu imineg n tinneflest, ass n usamas deg tesɣimt n Tsenbert Tanafellat n Zzayer Tamaneɣt, arẓam n useggas aɣedman n 2021-2022.

Tafugla n urẓam tella-d s tihawt n uselway n Useqqamu n Uɣlan, Salah Goudjil, aselway n Ugraw Aɣerfan Aɣelnaw, Brahim Boughali, aneɣlaf amenzu, Aimene Benabderrahmane, aselway n Useqqmau amenḍawan, Kamel Feniche, aɣella n umaddad n Tredsa Taɣelnawt Taɣerfant, Ajiniṛal n tfekka n tredsa, Said Chanegriha, aneɣlaf n teɣdemt, Abderrachid Tabi, d yimaslaḍen n unabaḍ, yisemtaren n uselway n tegduda d yimasayen d yikataren unnigen n ugzum n teɣdemt.

Agzum n teɣdemt iqubel mennaw n yicqirrwen yernu yettwamsel-d s tmenḍawt n 2020 ay d-yellan d tasentayt n uselway Tebboune. Iswi n tsemmeskal-a d asdusu n uzarug n udabu aɣedman.

Imir-a, agzum n teɣdemt yelha-d s usezgi n yiḍrisen iglugnanen ɣer tmenḍawt d ucegger n yisaḍufen igmananen yerzan iẓuyar n yineflusen d Useqqamu Anafella n Tinneflest, am wakken ay d-yelha daɣ s ucegger n ungal n tesnaɣant n uneflus d tesweḍt taɣedmant d useɣnew n yisfuyla yemmuzzgen deg temsal tidamsanin d tedrimanin d umennuɣ mgal tejrimt n Internet.

Aɣlif yelha-d s tsemmeskelt d tamakkit d usetrer n ugzum n teɣdemt s usmatu n usemḍen d ucegger n tarrayin n umahil akken ad yeqqel usefrek n temṣukin tiɣedmanin d afrawan ugar yernu ad tili teɣdemt tatrart temṣada d tegna n tɣara d tmellilt yernu ad teḥrez izerfan d tlelliyin.

 

Last modified on Aynas, 01 Wamber 2021 08:56
Yesselwi uselway Tebboune arẓam n useggas aɣedman n 2021-2022
  Yeffeɣ-d ass n : Asamas, 24 Tubeṛ 2021 12:59     Taggayt : LEZZAYER     Ɣran-t : 1 n tikkal   Bḍu