Menu principal

Menu principal

Zzayer temmuqqen ad teḥrez tugdut yernu ad tesselhu amlazmar n tɣemsa

Yeffeɣ-d ass n : Asamas, 24 Tubeṛ 2021 12:15   Ɣran-t : 0 n tikkal
Zzayer temmuqqen ad teḥrez tugdut yernu ad tesselhu amlazmar n tɣemsa

ZZAYER TAMANEƔT – Iwekked-d uneɣlaf n teɣwalt, Ammar Belhimer, ass n usiḍyas, dakken Zzayer temmuqqen akken ad teddud deg ubrid n uḥraz n tugdut d uselhu n umlazmar n tɣemsa taɣelnawt i usudus n unagraw n yizerfan.

Deg wawal-nnes i lmend n tfugla n tukci n warraz n uneɣmas amsadur n uselway n tegduda deg Ugemmiw n Uɣref, yenna-d Mass Belhimer dakken Zzayer « temmuqqen s uguccel akken ad tkemmel deg ubrid n uḥraz n tugdut d uselhu n umlazmar n tɣemsa taɣelnawt i udraw deg usdusu n unagraw n yizerfan d tlelliyin ur yezmiren ad ttwanekṛent wala ad ttwarekḍent ».

Taẓrigt tis 7 d tin ay d-yellan s usentel n « uselɣu, gar tlelli d tmasit », yernu d tin ay yettalsen tettwekkid-d tagerrawt tamaẓlayt « ay tettakf tmurt-nneɣ i usmal n tlelli n tɣemsa d uzrak n yimenzayen n tesnaɣant d temlilɣi tamsadurt d yizerfan d tlelliyin ara yilin d timeskert tamesɣarut, tadettant yernu d tamasayt, maci d taẓugit kan tilemt ».

Deffir ma ihenna wid ay d-irebḥen arraz-a i lmend n wass aɣelnaw n tɣemsa, iwekked-d uneɣlaf dakken afran n usentel-a d win ay d-yesskanayen assaɣ yellan gar tlelli n uneɣmas d tmasit tamazdayt d temsadurt ».

 

Last modified on Aynas, 25 Tubeṛ 2021 12:51
Zzayer temmuqqen ad teḥrez tugdut yernu ad tesselhu amlazmar n tɣemsa
  Yeffeɣ-d ass n : Asamas, 24 Tubeṛ 2021 12:15     Taggayt : LEZZAYER     Ɣran-t : 0 n tikkal   Bḍu