Menu principal

Menu principal

Mazal ttceggiren asaḍuf yerzan aḥezzeb i tmijwin timeqqranin

Yeffeɣ-d ass n : Asimwas, 22 Tubeṛ 2021 12:57   Ɣran-t : 5 n tikkal
Mazal ttceggiren asaḍuf yerzan aḥezzeb i tmijwin timeqqranin

ZZAYER TAMANEƔT – Iwekked-d uneɣlaf n ugensu, Kamel Beldjoud, ass n ukwas deg Zzayer Tamaneɣt, dakken mazal ttceggiren asaḍuf n uḥezzeb i tmijwin timeqqranin yernu yella-d waya i usinef i tmessiwin am tid ay d-yellan deg unebdu yezrin deg tmurt.

Akk akaten yettwaddmen i uḥezzeb mgal tmijwin n tmest yessefk ad ttwasdusen s wakaten d imaynuten am wakken ay yessefk ad d-yettwassezg usaḍuf i lmend n waya, ɣef wakken ay d-yenna Mass Beldjoud deg yiwet n tɣimit tačuṛant n Ugraw Aɣerfan Aɣelnaw ay d-yellan i tuttriwin timawiyin.

Yules iwekked-d Mass Beldjoud ɣef ugama « ajriman n tmurɣiyin ay d-yellan deg 26 n twilayin » n tmurt deg unebdu yezrin, am wakken ay d-yesmekti dakken ttwaddmen wakaten yemgerraden, deg unebdu-nni, i ubaḍi n tegnit, am wakken ay ttwaddmen wakaten akken ur ttalsent ara ad d-ilint twuɣa am tid.

Asdabu n tegrawt tagtegzumant n umahil d-yelhan s ucegger d usefrek n yiɣawasen utriben, arẓam n tfuɣal i usifses n useɣsi n tmest deg tẓegwa d wallus n usermed n yiɣawasen n teɣḍeft i usemḍef n yinejrimen yessendaḥen timest llan-d akk gar yiɣtasen yettwaddmen.

Mass Beldjoud ixebber-d dakken agzum-nnes yettmahal, s usemyuddes d uɣlif n ulmud imineg, akken ad d-gen adṛun ara sseqdacen i usefqed d usummel n tmurɣiyin, am wakken ay tessefray Zzayer ad d-tseɣ isafagen yesseɣsayen timest.

 

Last modified on Asamas, 24 Tubeṛ 2021 12:18
Mazal ttceggiren asaḍuf yerzan aḥezzeb i tmijwin timeqqranin
  Yeffeɣ-d ass n : Asimwas, 22 Tubeṛ 2021 12:57     Taggayt : LEZZAYER     Ɣran-t : 5 n tikkal   Bḍu