Menu principal

Menu principal

Tidalusin n 17 Tubeṛ 1961: Yella-d uwekked ɣef tmasit tasertant d tzerfant n uwanak afṛansi

Yeffeɣ-d ass n : Aynas, 18 Tubeṛ 2021 13:19   Ɣran-t : 1 n tikkal
Tidalusin n 17 Tubeṛ 1961: Yella-d uwekked ɣef tmasit tasertant d tzerfant n uwanak afṛansi

ZZAYER TAMANEƔT – Wekkden-d yimedrawen deg usarag ay d-yellan ass n usamas deg Zzayer Tamaneɣt, i lmend n usfugel n umulli wis 60 n Tdalusin n 17 Tubeṛ 1961, ɣef tmasit tasertant d tzerfant n uwanak afṛansi deg tejrimt-a ay d-yellan d tajrimt mgal talsa.

Yedrew, deg usarag-a, uselway n Ugraw Aɣerfan Aɣelnaw, Brahim Boughali, aneɣlaf amenzu, Aimene Benabderrahmane, kra n yisemtaren n uselway n tegduda ɣer yidis n kra n yimaslaḍen n unabaḍ, yernu d asemtar n uselway n tegduda d-yelhan s tkatut taɣelnawt, Abdelmadjid Chikhi, ay yellan d amekfaḍu-nnes ɣer yidis n udiplumati aqbur, Abdelkrim Ghrib, d umaru Rachid Boudjedra.

I lmend n waya, yessawel-d Mass Chikhi ɣef tedyant-a seg yidis azerfan yernu yenna-d dakken tidalusin-a rsent deg texxamt n « yigi arusḍif yessefken ad yettwassejrem », am wakken ay d-yerna dakken awanak afṛansi yella d aɣan fell-as, deffir ma yesteɛṛef ujiniṛal de Gaulle, deg tesguri-nnes n 16 Ctembeṛ 1959, s uzref n uɣref azzayri i uguccelman, akken ad yeddu d Zzayer s uzrak n uẓayer-nes azerfan amaynu ay t-yessuffɣen seg unagraw ahersan afṛansi yernu yessadef-it ɣer usaḍuf agraɣlan ay tettwaḥettem Fṛansa ad t-tqader.  

Ma d amjahed Ali Haroun iwekked-d, deg yiwen n yizen ay d-yettwakelsen i lmend n waya, dakken « d igiman n Yizzayriyen ay d-yeffɣen deg tiddiyin timelwiyin n 17 Tubeṛ 1961, gar-asen tisednan d yigerdan ur yesɛin s wacu ara mmestnen iman-nsen, maca tagermant n temsulta tafṛansit d tin ay yubẓen aṭas seg-sen yernu aṭas ay yettwazellin ɣer wasif n Seine, deg wakud aydeg wiyaḍ ttwameḥqen yernu ttwaɛettben ».

Dima deg temsalt-a, yesmekti-d udiplumati aqbur Abdelkrim Ghrib « s udhal ijehden ay tufa Tegrawla Tazzayrit sɣur warraw n umɣiwan azzayri deg Fṛansa, d wid ay yefkan timeddurin-nsen d asfel yernu sseknen-d taẓraɣlant-nsen mennaw n tikkal ».

Seg yidis-nnes, iwekked-d umaru Rachid Boudjedra dakken « aramaɣ d tmenɣiwt n Yizzayriyen yebda-d yiwen n wass uqbel tmeskanin n 17 Tubeṛ, ladɣa imi tamsulta tafṛansit tebda, ass n 16 Tubeṛ, s wabbaẓ n 13.000 n Yizzayriyen yeqqnen ɣer Terni n Uslelli Aɣelnaw, yernu yenna-d dakken asbibbi n tmasit n tdalusin-nni i umasay n temsulta deg tallit-nni, Maurice Papon, d 'aḍellel’, imi tisunḍiwin llant ttekkent-d seg yiswiren unnigen akk ».   

Last modified on Asinas, 19 Tubeṛ 2021 10:36
Tidalusin n 17 Tubeṛ 1961: Yella-d uwekked ɣef tmasit tasertant d tzerfant n uwanak afṛansi
  Yeffeɣ-d ass n : Aynas, 18 Tubeṛ 2021 13:19     Taggayt : LEZZAYER     Ɣran-t : 1 n tikkal   Bḍu