Menu principal

Menu principal

Uṭṭun azegzaw i umɣiwan aɣelnaw deg uzɣar

Yeffeɣ-d ass n : Aynas, 18 Tubeṛ 2021 12:49   Ɣran-t : 7 n tikkal
Uṭṭun azegzaw i umɣiwan aɣelnaw deg uzɣar

ZZAYER TAMANEƔT – Yeqbel useqqamu n yineɣlafen, deg temlilit-nnes n wass n usamas, asumer ay d-yefka uneɣlaf n yiweẓla iwerdaniyen d umɣiwan azzayri deg uzɣar, Ramtane Lamamra, i useɣnew n wuṭṭun azegzaw i warraw n umɣiwan azzayri deg uzɣar, d win ayyes ara asen-d-rren awal yimahalen n tmuzal d tqenṣuliyin i lmend n uḍman n umesten yezgan d udeɣyan i Yizzayriyen izedɣen deg uzɣar yernu ad asen-slen i yiɣeblan d wuguren-nsen deg uzɣar.

« Yeqbel useqqamu n yineɣlafen, ass n usamas, asumer ay d-yefka uneɣlaf n yiweẓla iwerdaniyen d umɣiwan aɣelnaw deg uzɣar i useɣnew n wuṭṭun azegzaw deg tmuzal d tqenṣuliyin i lfayda n warraw n umɣiwan aɣelnaw i uḍman n umesten imezgi d udeɣyan d usefled i yiɣeblan-nsen mer ad sɛun uguren deg uzɣar », ɣef wakken ay d-yebder ulɣu n useqqamu.

Deg yiwen n yizen i lmend n wass aɣelnaw n yinig yesfugulen amulli wis 60 n tmeskanin n 17 Tubeṛ 1961, iwekked-d uselway n tegduda, Abdelmadjid Tebboune, dakken « yennekna s lqerb » ɣer ubdad « ifazen » i yiɣeblan n umɣiwan-nneɣ d umesten n tnufa-nsen, am wakken ay d-yeckeṛ mliḥ adduden imeẓreɣlanen « imserha » ay d-sseknen acḥal d tikkelt warraw n umɣiwan-a s temsetlelt tamedyant deg wakud n ẓẓmik.

I lmend n waya, Mass Tebboune iwekked-d dakken « ammasen-nneɣ idiplumatiyen d yiqenṣulanen yessefk ad snegmun tarrayin-nsen n umahil deg wayen yerzan agrigew d yimaslaḍen n umɣiwan, yernu yessefk ad ilint tarrayin-a d titrarin.  

 

 

Uṭṭun azegzaw i umɣiwan aɣelnaw deg uzɣar
  Yeffeɣ-d ass n : Aynas, 18 Tubeṛ 2021 12:49     Taggayt : LEZZAYER     Ɣran-t : 7 n tikkal   Bḍu