Menu principal

Menu principal

Mi ara teqqel tnegga n tɣemsa tafṛansit d tamutlayt n tuddsa taremmaɣt d temẓerbeḍḍut

Yeffeɣ-d ass n : Asimwas, 15 Tubeṛ 2021 10:49   Ɣran-t : 2 n tikkal
Mi ara teqqel tnegga n tɣemsa tafṛansit d tamutlayt n tuddsa taremmaɣt d temẓerbeḍḍut

ZZAYER TAMANEƔT – Yiwet n tuzzilt n tnegga tafṛansit n tɣemsa, AFP, ay d-icekṛen, ass n ukwas, tagrawt taremmaɣt n MAK, walan-tt yimidyaten izzayriyen d adhal ibanen i yirmuden n tuddsa-a taremmaɣt, yernu yessenker-d waya urfan n yimidyaten d yimanayen iɣelnawen.  

Wa d « amzellew amihaw », ɣef wakken ay d-nnan mennaw n yimanayen, ladɣa imi ay d-yella deffir yiwet n temhelt « taɣellisant d tameqqrant » ay yeǧǧan tamehla tamatut n tɣellist taɣelanwt ad tessexṣer yiwen n warram n tenṭagt taremmaɣt deg kra n temnaḍin n tmurt, d win aydeg ttekkan yimdanen yeqqnen ɣer tegrawt taremmaɣt n MAK. Tamhelt-a d tin aydeg ttwabẓen 17 n yiferdisen n tuddsa-a taremmaɣt am wakken ay tessaweḍ daɣ ɣer ukcaf n yifatusen n yiwen n unguz ay d-yellan s umyalel d uyun aṣehyuni d yiwet n tmurt n Tefriqt n Ugafa.

Imidyaten d yimanayen-a ttren-d maɣef tanegga n AFP teckeṛ-d tuddsa-a taremmaɣt yili teẓra dakken aya yella-d mgal yimenzayen n tesnaɣant n uselɣu, bitt tewweḍ armi ay teqqel d tamutlayt n tuddsa-a yettwasmunen d tuddsa taremmaɣt tamihawt, d tuddsa ay d-yettwakecfen s tsestanin d yinẓaten ur yettwankaṛen n yinaw-nnes ay d-yeggaren tiɣri i teẓriɣeft d tekriḍt, d useqdec n yimrigen n umgaru, am wakken ay d-iban dakken tuddsa-a tessuffeɣ-d isnugden d-yeggaren tiɣri i tẓerbeḍḍut d tekriḍt.

Tuffɣa-a n AFP d tin ay d-iwekkden dakken ttekkan kra n yilubiyen deg temsalt-a, yernu wi d ilubiyen ay ibaḍen deg uselɣu yernu ttmahalen akken ad cewwlen kra n tmura, ladɣa Zzayer ay yeqqlen d iswi n yimengazen ay yemtawan ad tt-cewwlen ɣef lǧal n wadduden-nnes imezruyanen.

Amzellew-a ur d-yelli ara i tikkelt tamezwarut, imi ay d-tessuffeɣ yakan tnegga-a tuzzilin niḍen ay d-ikecfen acḥal ay tebɛed ɣef tissudert, yernu iswi n tuzzilin-a d amahil i lmend n tesmektayt ay sɛan kra n yidisan ay mazal ttargun s kra akken n tallit yezrin.

Last modified on Asimwas, 15 Tubeṛ 2021 10:52
Mi ara teqqel tnegga n tɣemsa tafṛansit d tamutlayt n tuddsa taremmaɣt d temẓerbeḍḍut
  Yeffeɣ-d ass n : Asimwas, 15 Tubeṛ 2021 10:49     Taggayt : LEZZAYER     Ɣran-t : 2 n tikkal   Bḍu