Menu principal

Menu principal

Agraw Aɣerfan Aɣelnaw: Asemned n yisaḍufen yerzan tilessisin tifrananin d tɣiwant

Yeffeɣ-d ass n : Akwas, 14 Tubeṛ 2021 11:04   Ɣran-t : 0 n tikkal
Agraw Aɣerfan Aɣelnaw: Asemned n yisaḍufen yerzan tilessisin tifrananin d tɣiwant

ZZAYER TAMANEƔT – Yessemned-d uneɣlaf n ugensu, Kamel Beldjoud, as n ukras, sdat tesmilt n yiweẓla izerfanen, asenfar n usaḍuf d-yesbaduyen tilessisin tifrananin i lmend n ufran n umni d win yerzan taɣiwant.

Yeskasi Mass Beldjoud d yimaslaḍen n tesmilt tazerfant agbur n « usenfar n usaḍuf yerzan aqbal n tsunḍa uṭṭun 21-02 n 16 Meɣres 2021 ay d-yettgucculen tilessisin tifrananin d umnaḍ n tesɣimin ara yeččaṛen deg ufran n umni, d usenfar n usaḍuf yerzan aqbal n tsunḍa uṭṭun 21-13 n 22 Muḥeṛṛem 1443 yemṣadan d 31 Ɣuct 2021, d win yessenfalen yernu yessmad kra n wakaten n usaḍuf 11-10 n 20 Ṛjeb 1443 yemsaḍan d 22 Yunyu 2011 yerzan taɣiwant ».

Iwekked-d uneɣlaf dakken asenwi ay d-yettwassumren i usaḍuf yerzan taɣiwant yella-d deg ukatar n tiddit yettḥakaṛen « ad teswati » kra n wakaten n usaḍuf-a s ucegger-nsen n wid yerzan aselway n ugraw aɣerfan anɣiwan d tuddma deg leḥsab n usaḍuf agmanan yerzan anagraw afranan amaynu ay isemmten anagraw n yiɣef n wumuɣ, s usmemmi n wumuɣ urẓim yersen ɣef uskar n tefrant i ugenses aktamuran deg udɣar asmenyifan deg wumuɣ ireẓmen war ma yettunefk ulfus i uferran ad yefren imazwaren seg wumuɣen yemgerraden ».

Asenwi-a, a win yufan, « ad yekkes uguren imehlanen ay d-yellan seg usnas n usaḍuf 11-10 n 22 Yunyu 2011 yerzan taɣiwant, yernu yella-d waya d asewjed i tefranin tidiganin ay d-itteddun, tid ara d-yilin ass n 27 Wamber 2021 », ɣef wakken ay d-ixebber, am wakken ay d-yerna dakken asenfar-a iswi-nnes d « asekmem n tiffrawent deg ufran n uselway n ugraw aɣerfan anɣiwan ».

Deg wayen yerzan aqbal n tsunḍa 21-02 n 16 Meɣres 2021 d-yettgucculen tilessisin tifrananin d umḍan n tesɣimin ara yeččaṛen deg ufran n umni, iwekked-d Mass Beldjoud dakken asenfar-a yella-d deg ukatar n « usezgi n yiḍrisen izerfanen itteddun yakan » yernu yella-d waya deffir ma smiddnen asaḍuf 19-12 n 11 Dujembeṛ 2019 ay yessenfalen yernu yessmad asaḍuf 84-09 n 4 Fuṛaṛ 1984 yerzan asuddes agelluyan n uwanak, d asaḍuf ay d-yesɣenwen daɣ 10 n twilayin timaynutin, dɣa d aya ay d-iḥettmen asemɣer n umḍan n tlessisin tifrananin seg 48 ɣer 58, am wakken ara d-sɣenwen daɣ talessist tafranant i umɣiwan aɣelnaw deg uzɣar.

 

Last modified on Aynas, 25 Tubeṛ 2021 17:46
Agraw Aɣerfan Aɣelnaw: Asemned n yisaḍufen yerzan tilessisin tifrananin d tɣiwant
  Yeffeɣ-d ass n : Akwas, 14 Tubeṛ 2021 11:04     Taggayt : LEZZAYER     Ɣran-t : 0 n tikkal   Bḍu