Menu principal

Menu principal

Amulli n Umussu n Tmura Ur Iderreren: D tagnit i wallus n uwekked ɣef yimenzayen n tuddsa-a

Yeffeɣ-d ass n : Asinas, 12 Tubeṛ 2021 11:54   Ɣran-t : 1 n tikkal
Amulli n Umussu n Tmura Ur Iderreren: D tagnit i wallus n uwekked ɣef yimenzayen n tuddsa-a

BELGṚAD – Iwekked-d uneɣlaf amenzu, Aimene Benabderrahmane, ass n uynas deg Belgṛad (Serbya) dakken asfugel n umulli wis 60 n useɣnew n Umussu n Tmura Ur Iderreren d « tadyant tamezruyant taxatart yernu d talemmiẓt i wakk wid iderwen deg-s akken ad alsen ad d-wekkden tuṭṭfa-nneɣ deg tmuɣliwin, imenzayen d yiswiyen » n umussu-a ay tesmel Zzayer deg yal tallit.

Deg tinawt-nnes deg tqacuct n uswir unnig ay d-yellan i lmend n usfugel n umulli wis 60 n usarag amezwaru n Umussu n Tmura Ur Iderrerent, aydeg yedrew Mass Benabderrahmane s yisem-nnes d aensas n uselway n tegduda, Abdelmadjid Tebboune, iwekked-d uneɣlaf amenzu dakken « ass-a, aql-aɣ nesfugul yiwet n tedyant meqqran aṭas deg umezruy, d tadyant tamezruyant taxatart yernu d takasit i yiɣerfan-nneɣ, d tin ay d-yettwagmen seg yimenzayen n Bandung ay yulsen ttwawekkden-d da deg Belgṛad, asmi ay yettwassuddes usarag amezwaru deg 1961 ».

« Nnig tisektiwin-nnes timezruyanin tulmisin d tsurfanin, asarag-a yella-d d tagnit i nekkni akken ma nella akken ad nales ad d-nwekked tuṭṭfa-nneɣ d uzrak-nneɣ i tmuɣliwin, imenzayen d yiswiyen » n umussu-a, yernu aya yettwekkid-d daɣ uẓẓul anelɣi ay d-tessken tedyant-a ay imeṣken assaɣen igraɣlanen, ɣef wakken ay d-iwekked uneɣlaf amenzu.

Mass Benabderrahmane yebder-d daɣ ussisen n Zzayer yellan gar tmura tisersalin n umussu-a, deg wakud aydeg werɛad ur d-tessuɣal ara ula d azarug-nnes, d udhal ay tedhel imussa n uslelli deg umaḍal akken ma yella, yernu yenna-d dakken Zzayer tedhel Amussu n Tmura Ur Iderreren deg yal akud yernu twekked-d imenzayen n tuddsa-a d yiswiyen-nnes.

Deg tinawt-nnes, yumel-d Mass Abderrahmane « iseḍra » n umussu-a seg wasmi ay d-yettwasseɣnew, am wakken ay yummar imi « anmager-a d win ay mazal yerẓem tawwurt i umyessmad d temyamaẓt gar yiɣerfan n unẓul ».

 

 

Amulli n Umussu n Tmura Ur Iderreren: D tagnit i wallus n uwekked ɣef yimenzayen n tuddsa-a
  Yeffeɣ-d ass n : Asinas, 12 Tubeṛ 2021 11:54     Taggayt : LEZZAYER     Ɣran-t : 1 n tikkal   Bḍu