Menu principal

Menu principal

Aselway Tebboune: Tasertit n Zzayer d tafrarayt yernu imenzayen-nnes d ujhiden

Yeffeɣ-d ass n : Asinas, 12 Tubeṛ 2021 10:52   Ɣran-t : 2 n tikkal
Aselway Tebboune: Tasertit n Zzayer d tafrarayt yernu imenzayen-nnes d ujhiden

ZZAYER TAMANEƔT – Yules iwekked-d uselway n tegduda, Abdelmadjid Tebboune, ass n usamas tameddit, dakken tasertit n Zzayer, deg wayen yerzan timsal tigraɣlanin d « tafrarayt yernu d tafrawant » am wakken daɣ imenzayen-nnes « qquren yernu ur ttbeddilen ara », am wakken ay d-iger tiɣri i Yizzayriyen akken ad sdukklen ussisen-nsen i usnegmu n tmurt akken ad bedden mgal « yiɣawasen n ubeḍḍu ».

Tasertit n Zzayer « d tafrarayt yernu d tafrawant, adduden-nnes fessusit ad ten-iẓer yiwen deg wayen yerzan s kra n tedyant tagraɣlant ara d-yilin, am wakken daɣ imenzayen-nnes d iquranen yernu ur ttbeddilen ara », ɣef wakken ay d-iwekked uselway Tebboune deg umyager-nnes awalan d yigensasen d yimidyaten iɣelnawen.

Ɣef llsas n yimenzayen-a « iquranen », yesmekti-d uɣella n uwanak s waddud ur yettbeddilen n Zzayer deg wayen yerzan arẓam n yizaduren iredsanen deg wakal-nnes yernu yenna-d dakken aya ur d-yettili ara imi « akal (azzayri) d uqdis s tin n uzrak i yimeɣrusen yemmuten fell-as ».

Yesmekti-d daɣ s yimenzayen n udhal n talwit d urkad deg twennaḍt-nnes tamnaḍant, am wakken ay yules iwekked-d tagayt ay tugi Zzayer ad tili ddaw kra n tmaḍirt, akken tebɣu tili, yernu tugi daɣ tagermant tawerdanit niɣ atɛeddi fell-as, akken yebɣu yili waya.

« Nekkni ur nrekkeḍ yiwen maca win ara yarmen ad yetɛeddi fell-aɣ, yezmer ad yendem ɣef waya. Zzayer tezmer ad tqabel s kra n nneyya ay d-yellan deg ubrid-a », ɣef wakken ay d-icaɣli.

 

Last modified on Akras, 13 Tubeṛ 2021 08:35
Aselway Tebboune: Tasertit n Zzayer d tafrarayt yernu imenzayen-nnes d ujhiden
  Yeffeɣ-d ass n : Asinas, 12 Tubeṛ 2021 10:52     Taggayt : LEZZAYER     Ɣran-t : 2 n tikkal   Bḍu