Menu principal

Menu principal

Aselway Tebboune: Zzayer werǧin ad termes izaduren iredsanen iwerdaniyen

Yeffeɣ-d ass n : Aynas, 11 Tubeṛ 2021 12:06   Ɣran-t : 3 n tikkal
Aselway Tebboune: Zzayer werǧin ad termes izaduren iredsanen iwerdaniyen

ZZAYER TAMANEƔT – Zzayer ur tettaǧǧa ara akk kra n tmurt, « anect tebɣu tili d tameḍnit », akken ad teẓẓu azadur aredsan deg wakal-nnes, ɣef wakken ay d-iwekked, ass n usamas, uselway n tegduda, Abdelmadjid Tebboune.

Deg wawal-nnes deg umyager awalan d yimasayen n yimidyaten iɣelnawen ay d-iɛeddan ass n usamas tameddit, yenna-d uselway Tebboune dakken « Zzayer ur tettaǧǧa ara akk kra n tmurt, anect tebɣu tili d tameḍnit, ad teẓẓu azadur aredsan deg ugelluy-nnes aɣelnaw. Akal-nneɣ d uqdis yernu aɣan n uzrak n yimeɣrusen-nneɣ iḥettem-d fell-aɣ akken ur nqebbel ara akk tuẓut n kra n uzadur aredsan deg Zzayer ».

Yesmekti-d uselway n tegdud, i lmend nw aya, s tsertit n Zzayer deg wayen yerzan aya, yernu yenna-d dakken tasertit-a « tettwassen, d tafrarayt yernu d tafrawant », am wakken ay d-yerna dakken ta d « tasertit d-yekkan seg yimenzayen d ujhiden yernu ur ttbeddilen ara ».

Mi yettwatter ɣef udraw n Tredsa Taɣelnawt Taɣerfant deg temhaln tiredsanin beṛṛa n tmurt, yesmekti-d Mass Tebboune s tsertit d waddud n uwanak ɣef temsalt-a, d tin aydeg ara tesseḥbiber Zzayer akken ur teggar ara iman-nnes deg « yibelmaten ».

« Nekkni ur nesɛi ara tilijunin, wanag d taredsa taɣelnawt ay nesɛa, yernu ur tettakf Zzayer ara iserdasen-nnes d asfel ɣef yidrimen, akken ay ttwasseqdacen yimkariyen », ɣef wakken ay d-yenna uɣella n uwanak ay d-yernan dakken mer ad terr tmara ad tettekki Zzayer deg kra n temhelt beṛṛa i tlisa-nnes, « neḥwaj aqbal n yimaslaḍen n tredsa-nneɣ d win n yigensasen n Ugraw Aɣelnaw Aɣerfan ».

 

 

 

Last modified on Aynas, 11 Tubeṛ 2021 12:42
Aselway Tebboune: Zzayer werǧin ad termes izaduren iredsanen iwerdaniyen
  Yeffeɣ-d ass n : Aynas, 11 Tubeṛ 2021 12:06     Taggayt : LEZZAYER     Ɣran-t : 3 n tikkal   Bḍu