Menu principal

Menu principal

Mazal yettkemmil unabaḍ timeṣkiwt tamegdayt n Zzayer tamaynut

Yeffeɣ-d ass n : Asinas, 28 Ctembeṛ 2021 09:56   Ɣran-t : 2 n tikkal
Mazal yettkemmil unabaḍ timeṣkiwt tamegdayt n Zzayer tamaynut

NEW YORK (Iɣlanen Yeddukklen) – Mazal yettkemmil unabaḍ azzayri s uguccel akala n tmeṣkiwt tamegdayt n Zzayer tamaynut s uḥraz n uwanak n usaḍuf d teɣdemt tanmettit ladɣa deg wayen yerzan asenwi n tmenḍawt, asuddes n tefranin tisiḍfanin d usmutteg i tefranin tidiganin.

Deg yinaw-nnes sdat Ugraw Amatu n Tuddsa n Yiɣlanen Yeddukklen, yessegza-d uneɣlaf n yiweẓla iwerdaniyen, Ramtane Lamamra, aɣawas n unabaḍ ay yettwasmemmin kra kan n wussan aya, d win ay iḥerzen akala n unfal amegday ay d-yebdan yakan, yernu aya ad d-yili s semmus n yigellusen igejdanen: asdusu n uwanak n usaḍuf d uḥraz n tenbaḍt yelhan, asetrer n teɣdemt, asmal n tlelliyin, adiwenni, aciweṛ d uzeddi n tmetti taɣarimt d tilellit yernu d tamasayt, am wakken ara tettwaḍmen tlelli n temlilit, n usmesken amelwi d tɣemsa yernu ad d-yili umennuɣ mgal usgufsu, yernu ad d-yili usetrer n tedbelt d twuri tanagdudt ».

« Akk tisemmeskal-a tisertanin sskanayent-d timeɣsiwt n uɣref d uwanak azzayri akken ad sdusen izerfan n umdan, s umata, akken ad d-ḥazen akk agelluy aɣelnaw », ɣef wakken ay d-iwekked.

Deg unrar adamsan, yenna-d uneɣlaf dakken anabaḍ azzayri « yettmahal akken ad yesdus aduqqes adamsan, ad yessetrer anagraw abankan d udriman, ad yesmeskel agzum anezzan anagdud d tenbaḍt n tsuda tinagdudin, am wakken ay yettmahal akken ad yesselhu tinnuzɣa n unezwi n usefti d ukatar n usnegmu n teṛmisin d uṛmas ».

Yerna-d uneɣlaf dakken seg wasmi ay d-ttwasmemmin yiswiyen n usnegmu unzig, Zzayer tger isurifen d ixataren deg useḍru-nsen yernu ters deg wadur amezwaru deg Tefriqt n umaḍal aɛṛab deg 2019 deg wayen yerzan « amatar n usnegmu unzig » imi ay d-tesseḍra 17 n yiswiyen n usnegmu.

 

Last modified on Akras, 29 Ctembeṛ 2021 16:07
Mazal yettkemmil unabaḍ timeṣkiwt tamegdayt n Zzayer tamaynut
  Yeffeɣ-d ass n : Asinas, 28 Ctembeṛ 2021 09:56     Taggayt : LEZZAYER     Ɣran-t : 2 n tikkal   Bḍu