Menu principal

Menu principal

Anabaḍ-Iwaliyen: Acegger n Uzenziɣ Aɣelnaw n Useqɛed n Ugelluy d tuzwirt

Yeffeɣ-d ass n : Aynas, 27 Ctembeṛ 2021 10:31   Ɣran-t : 1 n tikkal
Anabaḍ-Iwaliyen: Acegger n Uzenziɣ Aɣelnaw n Useqɛed n Ugelluy d tuzwirt

ZZAYER TAMANEƔT – Iwekked-d uneɣlaf amenzu, Aimene Benabderrahmane, dakken acegger n Uzenziɣ Aɣelnaw n Useqɛed n Ugelluy deg yimalasen ay d-itteddun d tuzwirt n unabaḍ yernu iswi-nnes d asekmem n usnegmu adigan amneknay.

Mi yerza ɣef semmuset (5) n tnemsal ay yettwassuddsen deg ukatar n umyager gar unabaḍ d yiwaliyen ay d-yellan deg Zzayer Tamaneɣt, ddaw usiggi n uselway n tegduda, Mass Abdelmadjid Tebboune, yenna-d uneɣlaf amenzu dakken gar yicqirrwen ixataren, yella usekmem n tɣellist n tuččit, afares n tnegwa timenza deg tmurt d usmemmi n tferkiyin n ubrid yerzan tadawsa d usegmi ara yilin d tiseddiyin.

Ɣef leḥsab n Mass Benabderrahmane, yessefk ad tettwales tmuɣli deg mennaw n yisenfaren ur d-yewwin ara abaɣur, yernu yenna-d dakken deg yiseggasen n 2014, 2015 d 2016, aṭas n yirkaḍen ay d-yellan deg wayen yerzan asefrek n ugelluy, d win ay yeswaɣen anegmu adigan d useḍru n kra n yisenfaren.

Ɣef leḥsab n Mass Benabderrahmane, tagnit-a tessutur-d tuqqla ɣer wuddun adamsan deg yal tawilayt d yal tamnaḍt i usmagi n temṣukin d wammaken yellan deg yal tawilayt.

« Maci d ayen meɛqulen ad ilin yimgerraden gar temnaḍin deg wayen yerzan asnegmu adigan. Acegger n Uzenziɣ Aɣelnaw n Useqɛed n Ugelluy d tuzwirt i lmend n usekmem n umnekni deg usnegu unzig d uheyyi n tmuɣli s wakat uggig i usnegmu adamsan », ɣef wakken ay d-yerna.

Last modified on Asinas, 28 Ctembeṛ 2021 09:58
Anabaḍ-Iwaliyen: Acegger n Uzenziɣ Aɣelnaw n Useqɛed n Ugelluy d tuzwirt
  Yeffeɣ-d ass n : Aynas, 27 Ctembeṛ 2021 10:31     Taggayt : LEZZAYER     Ɣran-t : 1 n tikkal   Bḍu