Menu principal

Menu principal

Anabaḍ-Iwaliyen: « Tiferkit n ubrid » i tsemmeskal yessefken ad ttwaddment

Yeffeɣ-d ass n : Aynas, 27 Ctembeṛ 2021 10:06   Ɣran-t : 1 n tikkal
Anabaḍ-Iwaliyen: « Tiferkit n ubrid » i tsemmeskal yessefken ad ttwaddment

 ZZAYER TAMANEƔT – Amyager gar unabaḍ d yiwaliyen ay d-yellan s usentel n « Usduqqes Adamsan, Amnekni Amnaḍan, Taɣdemt Tanmettit », yettwaxtem ass n usamas deg Zzayer Tamaneɣt, s usmemmi n mennaw n yisemtar ara yilin d « tiferkit n ubrid » i tsemmeskal ara yettwaddmen deg usurif ay d-itteddun.

Ixebber-d uselway Tebboune dakken imataren d yisɣal ttbecciren s tgellawt d tamaynut i Zzayer deg tdamsa yernu, i tikkelt tamezwarut deg 20 n yiseggasen, yewweḍ usiǧew azzayri yexḍan timerɣa ɣer 3,1 n yimelyaṛen n yidulaṛen yernu yezmer ad yaweḍ arma d 4 niɣ 4,5 n yimelyaṛen n yidukaṛen seg-a ɣer tgara n useggas.

Seg yidis niḍen, yefka uneɣlaf amenzu amenḍar n 18 n wayyuren i yiwaliyen akken ad sɣeyden asefrek n wakal yernu ad d-sduqqsen asefti adigan.

Deg yisemtar-nsen, nnan-d daɣ yimedrawen deg umyager-a dakken ad mahlen ɣef usnegmu agelluyan amneknay, « asnegmu yennummden, d anmeẓẓal yernu d unzig deg ukatar n tesnuddest d taɣelnawt », am wakken ay d-gren tiɣri i usdusu n tinnuzɣa n usefti s wammad n teɣbula n temnaḍin yemgerraden.

 

 

Last modified on Asinas, 28 Ctembeṛ 2021 09:32
Anabaḍ-Iwaliyen: « Tiferkit n ubrid » i tsemmeskal yessefken ad ttwaddment
  Yeffeɣ-d ass n : Aynas, 27 Ctembeṛ 2021 10:06     Taggayt : LEZZAYER     Ɣran-t : 1 n tikkal   Bḍu