Menu principal

Menu principal

Iɣlanen Yeddukklen: Lamamra iwekked-d tihawt tamdust n Zzayer deg New York

Yeffeɣ-d ass n : Asamas, 26 Ctembeṛ 2021 11:07   Ɣran-t : 0 n tikkal
Iɣlanen Yeddukklen: Lamamra iwekked-d tihawt tamdust n Zzayer deg New York

NEW YORK – Iwekke-d uneɣlaf azzayri n yiweẓla iwerdaniyen, Ramtane Lamamra, tihawt tamdust n tdiplumatit tazzayrit deg New York s yirmuden-nnes ineẓẓawen, imyagren-nnes isindisanen d temliliyin n uswir unnig i usdusu n tdiplumatit tafriqit d wallus n usedgi n Zzayer deg umaḍal agtesfaylan, ɣef wakken ay d-yenna, ass n usiḍyas, yiwen n ulɣu n uɣlif.

Deg yijifeṛ n udraw-nnes deg Tedwilt Tis 76 n Ugraw Amatu n Tuddsa n Yiɣlanen Yeddukklen ara ikemmlen arma d 27 Ctembeṛ, yedrew Mass Lamamra deg kraḍt n temliliyin ɣef yisental d ixataren am teẓwert, inagrawen n tuččit d tezɣent talibit, d tin aydeg Zzayer tettmahal akken ad talel aytmaten ilibiyen akken ad ssiwḍen ɣer tifrat tasertant.

Iga daɣ uɣella n tdiplumatit tazzayrit mennaw n yimyagren isindisanen d yimtilen-nnes seg Rrus, Ghana, Kenya, Miksik, Kuba, Mali d Venezuela, am wakken ay yemyagar d usemtar uzzig n uselway n Tegduda n Sudan n Unẓul.

I lmend n waya, yessemned-d Mass Lamamra tarmit tazzayrit deg teẓwert d tɣellist n tuččit yernu yules iwekked-d adhal d temsetlelt n Zzayer d Libya deg ukatar n udiwenni n uswir unnig ɣef teẓwert, d adiwenni aydeg yedrew s yisem-nnes d agensas n uselway n tegduda.

Yessawel-d daɣ ɣef tsertiyin tidamsanin d tenmettiyin ay yesnes unabaḍ azzayri i uḍman n teẓwert, ladɣa deg asunen n tili, yernu tisertiyin-a ssawḍent ɣer tduli n 98% seg ugelluy aɣelnaw s tetrist. Iwekked-d daɣ ɣef wussisen n Zzayer ama deg uswir amnaḍan, ama deg uswir agraɣlan, i lmend n uḍman n teẓwert i tmura yettnegmun, ladɣa deg ukatar n wahil aẓewran n Ublag Amaynu i Usnegmu n Tefriqt (NEPAD), ɣef wakken ay d-yenna ulɣu-a. 

Last modified on Aynas, 27 Ctembeṛ 2021 11:59
Iɣlanen Yeddukklen: Lamamra iwekked-d tihawt tamdust n Zzayer deg New York
  Yeffeɣ-d ass n : Asamas, 26 Ctembeṛ 2021 11:07     Taggayt : LEZZAYER     Ɣran-t : 0 n tikkal   Bḍu