Menu principal

Menu principal

Zzayer terra-tt tmara ad tegzem assaɣen d Meṛṛuk ɣef lǧal n yigiten icenganen ay d-yekkan seg Rrbaṭ

Yeffeɣ-d ass n : Akras, 22 Ctembeṛ 2021 14:07   Ɣran-t : 0 n tikkal
Zzayer terra-tt tmara ad tegzem assaɣen d Meṛṛuk ɣef lǧal n yigiten icenganen ay d-yekkan seg Rrbaṭ

NEW YORK – Yenna-d uneɣlaf azzayri n yiweẓla iwerdaniyen, Ramtane Lamamra i terga n CNN International dakken Zzayer terra-tt tmara ad tegzem assaɣen-nnes d Meṛṛuk imi d wa ay d « izen iwatan » ay yella yessefk ad t-tazen i Tgelda Tameṛṛukit d tiririt i yigiten icenganen ay tga tneggarut-a, d wid ayyes terkeḍ tadukli n Zzayer.

« Zzayer teḍfer abrid n tẓidirt meqqren sdat yigiten aydeg Meṛṛuk terkeḍ tanaya d tdukli-nnes. S waya, nettwali dakken aɣtas am wa (agzam n wassaɣen) yuzen izen iwatan i unabaḍ n Meṛṛuk akken ad yegzu dakken « ur nezmir ara ad nkemmel ad as-nawi », ɣef wakken ay d-yenna uneɣlaf azzayri n iweẓla iwerdaniyen deg yiwet n tdiwennit ay d-iɛeddan ass n usinas.

Yessegza-d, seg yidis niḍen, dakken aɣtas-a yella-d abrid anuɣrim i uḥṛas n Meṛṛuk akken ad teḥbes tiddit-a ay izemren ad tessiweḍ snat-a n tmura ɣer lexṣara.

Mass Lamamra yessemɛen-d daɣ ɣer udhal ay d-yessken unmazal n Meṛṛuk deg Yiɣlanen Yeddukklen, deg Yulyu yezrin, i tegrawt tamẓerbeḍḍut yettnadin, zuna, azarug n Tmurt n Leqbayel, am wakken ay d-yesmekti dakken Zzayer tessuter seg Meṛṛuk ad d-tessegzu addud-nnes, maca werɛad ur d-tettunefk ara.

 

Zzayer terra-tt tmara ad tegzem assaɣen d Meṛṛuk ɣef lǧal n yigiten icenganen ay d-yekkan seg Rrbaṭ
  Yeffeɣ-d ass n : Akras, 22 Ctembeṛ 2021 14:07     Taggayt : LEZZAYER     Ɣran-t : 0 n tikkal   Bḍu