Menu principal

Menu principal

Yebda-d uneɣlaf amenzu asemned n uɣawas n tigawt deg Useqqamu n Uɣlan

Yeffeɣ-d ass n : Asinas, 21 Ctembeṛ 2021 12:41   Ɣran-t : 2 n tikkal
Yebda-d uneɣlaf amenzu asemned n uɣawas n tigawt deg Useqqamu n Uɣlan

ZZAYER TAMANEƔT – Yebda-d uneɣlaf amenzu, Aimene Benabderrahmane, ass n usinas, asemned n uɣawas n tigawt n unabaḍ i uselkem n wahil n uselway n tegduda, deg Useqqamu n Uɣlan ddaw tselwit n Mass Salah Goudjil, aselway n useqqamu-a.

Asemned-a d win ara d-yeḍfer uskasi d yimaslaḍen n useqqamu-a yernu ad ikemmel azekka s tgermanin n yiselwayen n tegrawin tiwamniyin.

Ass n ukras, ad d-yerr uneɣlaf amenzu ɣef tuttriwin d tamawin n yimaslaḍen n Useqqamu n Uɣlan.

Aɣawas n tigawt n unabaḍ yesmemmi-t Ugraw Aɣerfan Aɣelnaw s 318 n tuɣac gar 380 ass n ukwas yezrin. Aɣawas-a yebḍa ɣef semmus n yiɣfawen yerzan asdusu n uwanak n usaḍuf d usemmeskel n tenbaḍt, asduqqes d usmuynet adamsan, asnegmu alsan d usdusu n tsertit tanmettit, tasertit tawerdanit d tadinamit yernu d turmid d usdusu n tɣellist d umzaɣ aɣelnaw.

Yemmuqqen unabaḍ, deg temsalt-a, akken ad yesmel tanbaḍt aydeg ara yili wugar n umlazmar d tiffrawent, asefrek d amellil n tedrimt d tsemmeskal deg tewsi, deg umarud, deg tsiḍent, deg wakal d tedwant.

 

Last modified on Akras, 22 Ctembeṛ 2021 13:07
Yebda-d uneɣlaf amenzu asemned n uɣawas n tigawt deg Useqqamu n Uɣlan
  Yeffeɣ-d ass n : Asinas, 21 Ctembeṛ 2021 12:41     Taggayt : LEZZAYER     Ɣran-t : 2 n tikkal   Bḍu