Print this page

Aɣawas n tigawt n unabaḍ ad yessiweḍ Zzayer ɣer « wakal n tɣellist »

Yeffeɣ-d ass n : Asimwas, 17 Ctembeṛ 2021 13:00   Ɣran-t : 3 n tikkal
  • Bḍu
Aɣawas n tigawt n unabaḍ ad yessiweḍ Zzayer ɣer « wakal n tɣellist »

ZZAYER TAMANEƔT – Iwekked-d uneɣlaf amenzu, aneɣlaf n tedrimt, Aimene Benabderrahmane, ass n ukwas, dakken aɣawas n tigawt n unabaḍ gan deg-s laman yimazanen n Ugraw Aɣerfan Aɣelnaw yernu d win ara yessiwḍen Zzayer ɣer « wakal n tɣellist » akken ad d-tesseḍru asduqqes n tidet n wakk inurar.

Deg yiwet n tesguri i tɣemsa deffir usmemmi-nnes, yenna-d uneɣlaf amenzu dakken aɣawas-a « d win ara yeǧǧen Zzayer ad taweḍ ɣer wakal n tɣellist yernu ad d-tesduqqes tadamsa-nnes d tsertit-nnes tanmettit deg wakk iswiren », ɣef wakken ay d-yerna, imi d aya ay d tanqiḍt n ubeddu i usekmem n wahil n uselway n tegduda, Abdelmadjid Tebboune.

Mass Benabderrahmane yemmuqqen ad as-yefk i uɣawas-a « tasekta ay yettṛaju seg-s uɣerman, acku nebɣa aɣerman ad as-d-yeqqel laman deg unabaḍ-nnes d tsuda ».

Deffir yiwen n uskasi n kuẓ n wussan, yettwasmemmi uɣawas-a s 318 n tuɣac ay ideɣren « ih ». Llant daɣ 65 n tuɣac deɣrent « uhu » seg gar 380 n yimazanen ay iḥedṛen. Tiɣimit-a yesselwi-tt uselway n Ugraw Aɣerfan Aɣelnaw, Ibrahim Boughali, s tihawt n yimaslaḍen n unabaḍ.

 

 

Last modified on Asiḍyas, 18 Ctembeṛ 2021 13:33
Aɣawas n tigawt n unabaḍ ad yessiweḍ Zzayer ɣer « wakal n tɣellist »
  Yeffeɣ-d ass n : Asimwas, 17 Ctembeṛ 2021 13:00     Taggayt : LEZZAYER     Ɣran-t : 3 n tikkal   Bḍu