Menu principal

Menu principal

Aɣawas n tigawt n unabaḍ ad yettwasnes deg ukatar n tsemsedda d tumqitin n uḍfar

Yeffeɣ-d ass n : Asimwas, 17 Ctembeṛ 2021 12:34   Ɣran-t : 0 n tikkal
Aɣawas n tigawt n unabaḍ ad yettwasnes deg ukatar n tsemsedda d tumqitin n uḍfar

ZZAYER TAMANEƔT – Yenna-d uneɣlaf amenzu, aneɣlaf n tedrimt, Aimene Benabderrahmane, ass n ukwas, dakken aɣawas n tigawt n unabaḍ, ay smemmin yimazanen n Ugraw Aɣerfan Aɣelnaw s tegti, ad yettwasnes s « tsemsedda tumqitin n uḍfar ».

Mass Benabderrahmane yebda yettafk-d tiririyin i tuttriwin n yimazanen yernu iwekked-d dakken tinqiḍin tigejdanin ay d-yettwabedren deg tɣimit n tuttriwin qqnent, ladɣa, ɣer « lexṣaṣ n yimenḍaren, imataren inectanen, tisemsedda n uselkem d yiɣbula  n usidrem », maca yerna-d dakken aɣawas n tigawt « maci d aylal, wanag d aɣawas ay d-gan s tarrayt yernu ad yettwasnes deg ukatar n tsemsedda tumqitin n uḍfar, am wakken ur d-yettili ara akk i userwet ».

Iwekked-d daɣ, deg temsalt-a, ɣef uguccel n unabaḍ akken ad yeḍmen « aselkem umqit yernu d ilaw » n uɣawas-a aydeg llan semmus n yiɣfawen yeqqnen ladɣa ɣer tsemmeskal timṣukanin i usduqqes n tdamsa taɣelnawt d usetrer n unagraw abankan d udriman.

Deffir yiwen n uskasi n kuẓ n wussan, yettwasmemmi uɣawas-a s 318 n tuɣac ay ideɣren « ih ». Llant daɣ 65 n tuɣac deɣrent « uhu » seg gar 380 n yimazanen ay iḥedṛen. Tiɣimit-a yesselwi-tt uselway n Ugraw Aɣerfan Aɣelnaw, Ibrahim Boughali, s tihawt n yimaslaḍen n unabaḍ.

Deg yiwet n tesguri i tɣemsa deffir usmemmi-nnes, yenna-d uneɣlaf amenzu dakken aɣawas-a « d win ara yeǧǧen Zzayer ad taweḍ ɣer wakal n tɣellist yernu ad d-tesduqqes tadamsa-nnes d tsertit-nnes tanmettit deg wakk iswiren », ɣef wakken ay d-yerna, imi d aya ay d tanqiḍt n ubeddu i usekmem n wahil n uselway n tegduda, Abdelmadjid Tebboune.

 

Aɣawas n tigawt n unabaḍ ad yettwasnes deg ukatar n tsemsedda d tumqitin n uḍfar
  Yeffeɣ-d ass n : Asimwas, 17 Ctembeṛ 2021 12:34     Taggayt : LEZZAYER     Ɣran-t : 0 n tikkal   Bḍu