Menu principal

Menu principal

Tuttriwin yerzan tanafut tucrikt rsent-d deg wahil n umdiwenni i d-yeḍran gar Lamamra akked umtil-is ahendi

Yeffeɣ-d ass n : Akwas, 16 Ctembeṛ 2021 14:27   Ɣran-t : 5 n tikkal
Tuttriwin yerzan tanafut tucrikt rsent-d deg wahil n umdiwenni i d-yeḍran gar Lamamra akked umtil-is ahendi

LEZZAYER  TAMANEƔT – Aneɣlaf n Yiweẓla n uzɣar akked Umɣiwan aɣelnaw yellan deg uzɣar, Ramtane Lamamra, yemdiwenni ass n ukras (larebɛa) deg Lezzayer tamaneɣt akked umtil-is ahendi, Shri V. Muraleedharan, anda i d-bedren tuttriwin ilan tanafut tucrikt, ladɣ asmal n wassaɣen isindisanen.

Mi d-yemmeslay uɣella n tdiplumatit ahendi, deg taggara n umdiwenni-nni, yesseɣret-d i tɣamsa dakken, netta akked tmagla-s, « gan adiwenni afarsan » akked uneɣlaf Lamamra, yerna yenna-d dakken mmeslayen ɣef « tuttriwin nyerzan tanafut i ten-icerken akked yicɣaben isindisanen ».

I sin yid-sen sektazlen tuttriwin yellan deg uswir amnaḍan akked tisindisanin, ɣef wakken i d-yenna uneɣlaf ahendi i d-yennan yumen dakken Lhend akked Lezzayer sɛant « assaɣen iǧehden », snat n tmura-ya « cerkent amennuɣ-nsent amezruyan mgal tahersa », i d-yezzireg.

« Aqesser-a yessaweḍ yal yiwen deg-neɣ ad yegzi tamuɣli n wayeḍ » yerna « ad aɣ-tallel akken ad nefara assaɣ-nneɣ akken yessefk akked usmal n wassaɣen-nneɣ deg tnezzut akked yigzumen-iḍen », i d-yesseɣret.

Tuttriwin yerzan tanafut tucrikt rsent-d deg wahil n umdiwenni i d-yeḍran gar Lamamra akked umtil-is ahendi
  Yeffeɣ-d ass n : Akwas, 16 Ctembeṛ 2021 14:27     Taggayt : LEZZAYER     Ɣran-t : 5 n tikkal   Bḍu