Menu principal

Menu principal

Yesselwi Benabderrahmane yiwet n temlilit n unabaḍ yerzan mennaw n yigzumen

Yeffeɣ-d ass n : Asamas, 12 Ctembeṛ 2021 15:27   Ɣran-t : 3 n tikkal
Yesselwi Benabderrahmane yiwet n temlilit n unabaḍ yerzan mennaw n yigzumen

LEZZAYER  TAMANEƔT – Aneɣlaf Amenzu, aneɣlaf n Tiẓraf, Aïmene Benabderrahmane yesselwi, ass n Usiḍyas (ssebt) deg Lezzayer tamaneɣt, yiwet n temlilit n Unabaḍ i rzan i yigzumen n Teɣdemt, n Tnezzut, n Tfellaḥt, n Tnezduɣt akked Tdamsa n Tmussni akked teṛmisin n Tesnatwilin timaynutin, i d-yenna yiwen n ulɣu n yimeẓla n uneɣlaf Amenzu, hat-tt-an tukkist seg-s :

« Aneɣlaf Amenzu, aneɣlaf n Tiẓraf, Mass Aïmene Benabderrahmane yesselwi, ass n Usiḍyas (ssebt) 11 Ctember 2021, yiwet n temlilit n Unabaḍ i d-yeḍran deg Leqṣer n Unabaḍ ».

Am wakken i d-yers deg wahil n temlilit, skeyden yinesɣuma n Unabaḍ yiwen (01) n send-senfar n usaḍuf akked kraḍ (03) n tanaḍin tislekmanin i d-skecmen yineɣlafen yettwakelfen s Teɣdemt, s Tnezzut akked Tfellaḥt.

Rnu-yas, sin (02) n yinawen i d-snekden uneɣlaf n Tnezduɣt, n Usiɣrem akked Tiɣremt akked uneɣlaf anesmigal n uneɣlaf Amenzu yettwakelfen s Tdamsa n Tmussni akked teṛmisin n Tesnatwilin timaynutin.

Yela daɣen Unabaḍ i yiwen n ufsir i yessenked uneɣlaf n Teɣdemt, yerza send-senfar n usaḍuf icudden ɣer tnezraf tideblanin.

Last modified on Aynas, 13 Ctembeṛ 2021 14:45
Yesselwi Benabderrahmane yiwet n temlilit n unabaḍ yerzan mennaw n yigzumen
  Yeffeɣ-d ass n : Asamas, 12 Ctembeṛ 2021 15:27     Taggayt : LEZZAYER     Ɣran-t : 3 n tikkal   Bḍu