Menu principal

Menu principal

Yerra Tebboune tajmilt i yinaddalen d-yewwin tizalɣiwin deg Turarin tulampiyin n yimeɛduren (Tokyu)

Yeffeɣ-d ass n : Akwas, 09 Ctembeṛ 2021 11:57   Ɣran-t : 2 n tikkal
Yerra Tebboune tajmilt i yinaddalen d-yewwin tizalɣiwin deg Turarin tulampiyin n yimeɛduren (Tokyu)

LEZZAYER  TAMANEƔT – Aselway n Tegduda, Mass Abdelmadjid Tebboune, yesselwi ass n Ukwas (lexmis) deg Leqṣer n Uɣref deg Lezzayer tamaneɣt, yiwet n tfugla d tajmilt i yinaddalen yettekkan deg Turarin tulampiyin n yimeɛduren i d-yeḍran deg Tokyu, wwin-d 12 n tzalɣiwin yerna ɣeḍlen igmuḍen unnigen ifriqiyen akked yinmaḍalen.

Teḍra-d tfugla s tihawt n uselway n Usqamu n Uɣlan, Salah Goudjil, n uselway n Ugraw aɣerfan aɣelnaw, Ibrahim Boughali, n uselway n Usqamu Amenḍawan, Kamal Fenniche, n uneɣlaf Amenzu, aneɣlaf n Tiẓraf, Aimene Benabderrahmane, n unemhal n tnarit n Tselwit n Tegduda, Noureddine Baghdad Daidj, n yisemtar n Tselwit n Tegduda, Ajiniral n Tfekka n Tredsa Saïd Chanegriha, aɣella n Yifesyanen n Tredsa taɣelnawt taɣerfant, akked yinesɣuma n Unabaḍ akked yikataren n Uwanak.

Taɣlamt tulampit n yimeɛduren izzayriyen tessegrew-d yiwen n uɣrud n 12 n tzalɣiwin deg Turarin n Tokyu : 4 n ureɣ, 4 n lfeṭṭa akked 4 n nnḥas, rnan-d daɣen sin n yigmuḍnigen n umaḍal seg gar 67 i yettwaɣeḍlen deg teẓrigt-a n Tokyu.

Igraɣlanen izzayriyen ɣeḍlen daɣen sin n yigmuḍnigen n Turarin, kuẓ n yigmuḍnigen n Tefriqt, aya akk s uselhu n wurar n yal yiwen yerna deg mennaw n tmezzugin.

Yerra Tebboune tajmilt i yinaddalen d-yewwin tizalɣiwin deg Turarin tulampiyin n yimeɛduren (Tokyu)
  Yeffeɣ-d ass n : Akwas, 09 Ctembeṛ 2021 11:57     Taggayt : LEZZAYER     Ɣran-t : 2 n tikkal   Bḍu