Menu principal

Menu principal

1.366 n wumuɣen n yikabaren akked 13 nniḍen d imzarugen i d-ijebden isetturen n uttekki

Yeffeɣ-d ass n : Asinas, 07 Ctembeṛ 2021 12:42   Ɣran-t : 1 n tikkal
1.366 n wumuɣen n yikabaren akked 13 nniḍen d imzarugen i d-ijebden isetturen n uttekki

LEZZAYER  TAMANEƔT – Aselway n Udabu aɣelnaw imzireg n tefranin, Mohamed Charfi yenna-d, ass n Uynas (letniyen) deg Lezzayer tamaneɣt, dakken ar tura, llan 1.366 n wumuɣen n yikabaren akked 13 n wumuɣen n yimzarugen i d-ijebden isetturen-nsen n uttekki deg tefranin tidiganin n 27 wamber i d-iteddun.

Deg yiwen n usarag i iga deg tesɣimt n Udabu aɣelnaw amzireg n tefranin, deg taggara n yiwet n temlilit, i iga s wallal tili-sarag, s uttekki n tmagliwin n udabu yellan deg waɣiren, yesseddi-d Mass Charfi dakken iheyyiten n tefranin tidiganin « la teddunt akken yessefk ».

Yenna-d deg tmuɣli-ya dakken, llan 1.366 n wumuɣen n yikabaren i wakken ad ttekkin deg 1.327 n tɣiwanin akked 39 n yigezda akked 13 n wumuɣen n yimzarugen akken ad ttekkin deg 8 tɣiwanin akked 5 n yigezda, dayen jebden-d isetturen-nsen, i d-yenna.

Ad naf llan yisetturen-a deg wakk tmagliwin n Udabu aɣelnaw imzireg n tefranin i yuzzaren deg wakal akk n tmurt, i d-yesmekti.

Deg wayen yerzan acegger afeɣnami n wumuɣen ifrananen, i yebdan ass n usamas (lḥedd), yenna-d uselway n Udabu aɣelnaw imzireg n tefranin dakken « igmaḍ imezwura ssiggzen 25.813 n yiferranen imuyna akked tukksa n 42.000 nniḍen acku mmuten neɣ beddlen tanezduɣt-nsen ».

Last modified on Asamas, 19 Ctembeṛ 2021 14:48
1.366 n wumuɣen n yikabaren akked 13 nniḍen d imzarugen i d-ijebden isetturen n uttekki
  Yeffeɣ-d ass n : Asinas, 07 Ctembeṛ 2021 12:42     Taggayt : LEZZAYER     Ɣran-t : 1 n tikkal   Bḍu