Menu principal

Menu principal

Tifranin tidiganin : d asurif aneggaru n ukala n lebni n Lezzayer tamaynut

Yeffeɣ-d ass n : Akwas, 02 Ctembeṛ 2021 11:39   Ɣran-t : 11 n tikkal
Tifranin tidiganin : d asurif aneggaru n ukala n lebni n Lezzayer tamaynut

LEZZAYER  TAMANEƔT – Tiɣri i d-yeɣra uselway n Tegduda, Mass Abdelmadjid Tebboune, i tfekka tafranant akken ad ilint tefranin tidiganin ɣef zik lḥal, ara d-yeḍrun ass n 27 Wamber i d-iteddun, d aseḍru n unmeqqen-is akken ad tekfu trusi n tsuda n Uwanak.

D tidet, aɣella n Uwanak yestenya, ass n 28 ɣuct yezrin, yiwet n tanaḍt taselwayant yerzan tiɣri i tfekka tafranant i wakken ad ḍrunt tefranin tizikanin, ass n 27 Wamber, n Ugraw aɣerfan n tɣiwant akked win n Ugraw aɣerfan n Ugezdu, yella deg-s daɣen ucegger afeɣnami n wumuɣen ifrananen deg twala yellan seg 5 ar 15 Ctember 2021.

Tafrant i d-iteddun tusa-d seg zrint tefranin tisiḍfanin n 12 Yunyu , ldint tawwurt i tsiḍeft tis 9, teḍra-d aseggas send ad tekfu tsiḍeft n Ugraw aɣerfan aɣelnaw, d asurif amaynu deg ukala n lebni n yiwet n Lezzayer tamagdayt igerben ugar s aɣerman.

Yenna-d uselway Tebboune dakken tifranin tisiḍfanin « d asurif wis sin deg ukala n ubeddel akked lebni n n yiwet n Lezzayer tamagdayt igerben ugar s aɣerman ɣef wakken tella yakan », seg leɛḍil ad ḍrunt tefranin tidiganin n tɣiwan akked ugezdu, ara yilin « d asurif aneggaru » n ukala-ya.

Tifranin tidiganin : d asurif aneggaru n ukala n lebni n Lezzayer tamaynut
  Yeffeɣ-d ass n : Akwas, 02 Ctembeṛ 2021 11:39     Taggayt : LEZZAYER     Ɣran-t : 11 n tikkal   Bḍu