Menu principal

Menu principal

Aseɣzef n wakaten n ukman amuran deg 40 n twilayin

Yeffeɣ-d ass n : Asamas, 15 Ɣuct 2021 13:08   Ɣran-t : 2 n tikkal
Aseɣzef n wakaten n ukman amuran deg 40 n twilayin

ZZAYER TAMANEƔT – Yeɣtes uneɣlaf amenzu, Aimene Benabderrahmane, ad yesseɣzef akaten n ukman amuran deg uxxam (seg tis 8:00 ɣer uzekka-nni ɣef tis 6:00) deg 40 n twilayin i tallit n 15 n wussan seg wass n usamas 15 Ɣuct 2021 d asawen.

Deg wayen yerzan akman amuran deg uxxam, akman yerza tiwilayin n Udrar, Leɣwaṭ, Um Lebwaqi, Tabatent, Bgayet, Tibeskert, Beccaṛ, Leblida, Tubiret, Tibest, Tlemsan, Tizi Uzzu, Zzayer Tamaneɣt, Ǧiǧel, Sḍif, Ssɛida, Skikda, Sidi Belɛebbas, Ɛennaba, Galma, Qsenṭina, Mestɣanem, Tamsilt, Mɛeskeṛ, Waregla, Wehṛan, Lbeyyeḍ, Bumerdas, Ṭṭaref, Tinduf, Tisemsilt, Wad Suf, Tixencelt, Suq Ahṛas, Tipaza, Nnɛama, Ɛin Timucent, Taɣerdayt, Ɣilizan d Wlad Ǧellal.

Deg wayen yerzan tiddit n medden, ssaglen amesni amdinan d ubruzzlan gar twilayin deg tgara n yimalas gar akk tiwilayin ay yerza ukman.

Deg wayen yerzan aseɣzef n umdal, ad ttwamedlen wulzuzen n yimseddayen yettwanehṛen, tizeɣwa tikaddalin d tzeɣwa n waddal, ixxamen n yilemẓiyen d wammasen idelsanen.

Deg wayen yerzan imsegrawen inagduden, ttwagedlen yimsegrawen n wakk azunen, ula d imsegrawen iwaculanen n tmeɣriwin d useḍher.

Tizeɣwa n tmeɣriwin ur izerrken ara akat-a ad asent-tettwakkes tisemt i lebda.

 

Aseɣzef n wakaten n ukman amuran deg 40 n twilayin
  Yeffeɣ-d ass n : Asamas, 15 Ɣuct 2021 13:08     Taggayt : LEZZAYER     Ɣran-t : 2 n tikkal   Bḍu