Menu principal

Menu principal

Inguzen mgal Zzayer d tilawt maca tezmer ad d-telhu yid-sen s tredsa

Yeffeɣ-d ass n : Akras, 04 Ɣuct 2021 13:39   Ɣran-t : 2 n tikkal
Inguzen mgal Zzayer d tilawt maca tezmer ad d-telhu yid-sen s tredsa

ZZAYER TAMANEƔT – Inguzen ay d-ttheyyin kra mgal Zzayer maci deg tsugint ay llan, akken ay d-ttinin kra seg wid icikken deg waya, wanag d tilawt « ibanen », d acu kan, taredsa tezmer ad ten-tqabel, ɣef wakken ay d-iwekked, ass n usinas deg Zzayer, ujiniṛal n tfekka n tredsa, Said Chanegriha, aɣella n umaddad, deg tfugla n usdabu n umenzaḍ amaynu n temsetla taɣelnawt, ɣef wakken ay d-yenna yiwen n ulɣu n uɣlif n umzaɣ aɣelnaw.

« Ɣseɣ ad d-wekkdeɣ, deg tegnit-a, dakken inguzen d tmudda ay d-yettwaheyyayen mgal Zzayer, ɣer yidis n txidas ay d-ttheyyin mgal uɣref-nnes yernu d tid ayɣef nezga nettɛeyyin-d, maci seg tsugin ay d-kkant akken ay d-ttinin kra seg wid yettcikkin deg waya, wanag d tilawt yeqqlen tban yernu yettwassen wayen yellan deffir-sen », ɣef wakken ay d-yenna ujiniṛal n tfekka n tredsa deg yiwet n tinawt n waɣad ay d-yeɣra deg yiwen n umyager d yikataren d yimahalen n temsetla taɣelnawt.

Yerna-d dakken « taḥemla taneẓẓawt iceḥnen yettḥakaṛen tamurt-nneɣ d tredsa-nnes ay ttgen kra n yimidyaten iwerdaniyen d yiẓeḍwa inmettiyen d iɣef kan d-yettbanen seg umgaru n leɣder ay d-sgurin kra mgal Zzayer akken ad d-rren ttaṛ seg-s ɣef wadduden-nnes ur yettbeddilen deg wayen yerzan timsal tuɣdimin d umuqqen-nnes i uḥraz n tnaya-nnes taɣelnawt d yiɣtasen-nnes ilelliyen yexḍan akennu », ɣef wakken ay d-iwekked, am wakken ay d-yerna dakken « Taredsa Taɣelnawt Taɣerfant tezmer ad tqabel akk wid yettḥakaṛen tamurt-nneɣ akken ad d-sseḍrun iɣawasen-nsen n cceṛ, yernu ad teg tredsa tuɣdaḍt-nnes tahaggaṛt s udhal n uɣref-nnes abɣas ».

Aɣella n umaddad n Tredsa Taɣelnawt Taɣerfant yeckeṛ-d daɣ tamsetlelt ay d-yessken uɣref ussan-a ineggura deffir am yezreɛ unfafad bu uqacuc d umahil ay yettmahal ɣer yidis n tsuda n uwanak i usenqes n yinalkamen n tkaɣreft-a.

« Seg tṣeddart-a, ad zuxxeɣ, yid-wen, s tugniwin-nni tihuskayin n temsetlelt ay d-yessken uɣref-nneɣ ussan-a yezrin deffir uzraɛ amecɣab n tkaɣreft n Covid-19, d tugniwin ay d-yesskanayen anebgas n uɣref ɣer yidis n tsuda n uwanak-nnes deg wussis amazday yuklalen ackaṛ i lmend n usenqes n yinalkamen n tegnit-a tadawsant », ɣef wakken ay d-yenna.

 

Last modified on Akwas, 05 Ɣuct 2021 12:53
Inguzen mgal Zzayer d tilawt maca tezmer ad d-telhu yid-sen s tredsa
  Yeffeɣ-d ass n : Akras, 04 Ɣuct 2021 13:39     Taggayt : LEZZAYER     Ɣran-t : 2 n tikkal   Bḍu