Menu principal

Menu principal

Aḍḍan n Covid-19: Tukfiwin n tgezzayt ad d-qament i wayyur n Ɣuct

Yeffeɣ-d ass n : Asinas, 03 Ɣuct 2021 11:57   Ɣran-t : 4 n tikkal
Aḍḍan n Covid-19: Tukfiwin n tgezzayt ad d-qament i wayyur n Ɣuct

ZZAYER TAMANEƔT – Iwekked-d uneɣlaf n tdawsa, Apṛufisur Abderrahmane Benbouzid, ass n uynas deg Zzayer Tamaneɣt, dakken tukfiwin ay tesɛa Zzayer n tgezzayt mgal unfafad bu uqacuc « ad d-qament » yernu yal yiwen yessefk ad yezrek aneggaf adawsan akken ad tettwammesten tmetti seg ubayyur-a.

Mi isagg ɣef uciri n tḥemla n ufṣad deg Uɣerbaz Aɣelnaw Imineg n Tmerrit deg Usensu n Uwrasi, ɣer yidis n uneɣlaf n tmerrit, Yacine Hamadi, ixebber-d Benbouzid dakken « ugar n 8 n yimelyunen n tukfiwin n tgezzayt tacinwat n Sinovac d umelyun n tukfiwin n tgezzayt tanglizit-taswidit n AstraZeneca i lmend n ufṣad n umḍan ameqqran akk n yiɣermanen ladɣa deg temnaḍin d yiɣerman uɣḍisen ».

Yesmekti-d uneɣlaf dakken « tagnit tewɛeṛ yernu tessaggad » ɣef lǧal n uzraɛ n unfafad bu uqacuc d tmerniwt n umḍan n yimuḍinen d yimettinen, maca yebder-d daɣ ussisen d tigawin n temsetlelt ay ttgen akk yidisan ay terza temsalt i ubdad i yimuḍinen.

I lmend n waya, iwekked-d ɣef umahil ameqqran ay ttgen yisegnafen d tmetti taɣarimt i uferru n wugur n lexṣaṣ n wuksijin yernu yeckeṛ-d tamsetlelt n yiɣermanen ay d-iṣeddqen idrimen yernu muhlen i lmend n ufares n tenga-a.

Yekcef-d uneɣlaf, seg melmi kan, dakken Zzayer ad termes 6.000 n yislammasen n wuksijin yernu yenna-d dakken tagnit iceɣɣben aydeg tella tmurt d tin ay d-iḥettmen ad d-yili umahil d ameqqran i usuffeɣ n tmurt seg tezɣent-a yernu ad yenqes umḍan n wid yettmettaten.

 

Last modified on Akras, 04 Ɣuct 2021 12:29
Aḍḍan n Covid-19: Tukfiwin n tgezzayt ad d-qament i wayyur n Ɣuct
  Yeffeɣ-d ass n : Asinas, 03 Ɣuct 2021 11:57     Taggayt : LEZZAYER     Ɣran-t : 4 n tikkal   Bḍu