Menu principal

Menu principal

Zzayer tewjed ad tedhel Libya deg uferru n kra n wuguren

Yeffeɣ-d ass n : Akwas, 29 Yulyu 2021 08:59   Ɣran-t : 0 n tikkal
Zzayer tewjed ad tedhel Libya deg uferru n kra n wuguren

ZZAYER TAMANEƔT – Yules iwekked-d uselway n tegduda, Mass Abdelmadjid Tebboune, ass n ukras deg Zzayer Tamaneɣt, ɣef uwjad n Zzayer akken ad talel Libya, yellan d tamurt taweltmat, akken ad tefru kra seg wuguren ay d-yettwabedren deg udiwenni-nnes d uselway n Useqqamu Aselwayan Alibi.

Deg yiwet n tesguri i tɣemsa deffir umager ay yemmuger Mohamed Younes El-Menfi, ixebber-d uselway Tebboune dakken ttwaddmen mennaw n yiɣtasen deg umyager-a yernu wi d iɣtasen ay izemren ad frun kra n wuguren ay tettmagar Libya.

Iwekked-d daɣ uselway n tegduda dakken « nekkni ur nesɛi ara akk kra n ḍḍmeɛ niɣ iswi deg Libya menɣir lxir ay ttmennin Yilibiyen i tmurt-nsen ».

Yerna-d daɣ dakken Zzayer « ad teṛju aɣtas ara ddmen waytmaten ilibiyen deg wayen yerzan tagnit deg tmurt-nsen » am wakken ay d-yenna daɣ dakken, deg temsalt-a « aql-aɣ nemtawa yid-sen ».

Yesmekti-d uselway n tegduda, deg temsalt-a, dakken addud n Zzayer deg wayen yerzan tagnit deg Libya ur tenfil ara, am wakken ay d-iwekked dakken addud-a yettwaqbel deg uswir agraɣlan. Wa d addud aydeg « tifrat tagarant n tezɣent talibit d tin ay yessefken ad d-tili s tefranin ara yefken ugar n tzerfa i Useqqamu Aɣelnaw d uselway », ɣef wakken ay d-yenna uselway n tegduda.  

 

Last modified on Akwas, 29 Yulyu 2021 09:16
Zzayer tewjed ad tedhel Libya deg uferru n kra n wuguren
  Yeffeɣ-d ass n : Akwas, 29 Yulyu 2021 08:59     Taggayt : LEZZAYER     Ɣran-t : 0 n tikkal   Bḍu