Menu principal

Menu principal

Tadbelt n Biden tessaram ad tmahel d Zzayer ɣef yiswiyen ucriken

Yeffeɣ-d ass n : Akras, 28 Yulyu 2021 09:43   Ɣran-t : 0 n tikkal
Tadbelt n Biden tessaram ad tmahel d Zzayer ɣef yiswiyen ucriken

ZZAYER TAMANEƔT – Yenna-d uselway Biden dakken yettxemmim s « timmaglit meqqren » deg wayen yerzan amahil d Zzayer ɣef yiswiyen ucriken gar snat-a n tmura, ɣef wakken ay d-yenna umalal n uwnetlay n yiweẓla n Ugmuḍ Amadus, Joey Hood, yernu yenna-d dakken idiwenniyen-nnes d yimasayen izzayriyen llan-d d « ifarsanen mliḥ ».

« Aselway Biden d amaglay mliḥ deg wayen yerzan amahil d Zzayer i useḍru n yiswiyen-nneɣ ucriken deg mennaw n temsal akka am Libya, ɣef umedya, ladɣa imi snat-a n tmura ttnadint ad ffɣen yiɣallen iwerdaniyen seg wakal alibi yernu ad d-teqqel tnaya i uɣref alibi akken ad zemren Yilibiyen ad tt-id-frun nitni s timmad-nsen ɣef yimal-nsen », ɣef wakken ay d-yenna Joey Hood deg yiwet n tdiwennit ay iga d Tnegga n Yisalan n Zzayer deg tgara n terzi-nnes ɣef Zzayer.

Aya yesɛa daɣ assaɣ d « temlilt ay tesɛa Zzayer deg Ssaḥel d temnaḍin niḍen » dɣa ɣef waya ay teɣs Washington ad tessalqey anmireg-nnes d Zzayer yernu ad tmahel yid-s i uḥraz n tgemmi tadelsant tanesbaɣurt ay tesɛa tmurt-a, ɣef wakken ay d-yerna.

« Ummareɣ aṭas imi ay lliɣ da. Yemmuger-iyi uneɣlaf n yiweẓla iwerdaniyen d umɣiwan aɣelnaw deg uzɣar, Ramtane Lamamra, s unecṛah d ameqqran ɣer yidis n uneɣlaf n tnezzut, Kamel Rezig, aneɣlaf amenzu, Aimene Benabderrahmane akked tneɣlaft n yidles, Wafaa Chaalal, yernu newwi-d yid-sen awal d afarsan ɣef wassaɣen isindisanen d unmireg yerzan timsal timnaḍanin », ɣef wakken ay d-yerna.

 

 

Tadbelt n Biden tessaram ad tmahel d Zzayer ɣef yiswiyen ucriken
  Yeffeɣ-d ass n : Akras, 28 Yulyu 2021 09:43     Taggayt : LEZZAYER     Ɣran-t : 0 n tikkal   Bḍu